शनिबार, कार्तिक १५ २०७७ | Sat, October 31, 2020
नेपालको समय: २०:०८ | UK Time: 14:23

संविधान संशोधनको ठोस प्रस्ताव आएन ः अध्यक्ष ठाकुर

वीनेपाली
२०७३ मंसिर ८ गते १७:२८
तराई–मधेस लोकतान्त्रिक पार्टीका अध्यक्ष महन्थ ठाकुर

तराई–मधेस लोकतान्त्रिक पार्टीका अध्यक्ष महन्थ ठाकुर

काठमाडौँ, ८ मङ्सिर । तराई–मधेस लोकतान्त्रिक पार्टी (तमलोपा)का अध्यक्ष महन्थ ठाकुरले आन्तरिक उपनिवेशमा परेका मधेसी समुदायलाई मुक्त गर्न पार्टी सङ्घर्षमा रहेको बताउनुभएको छ ।

पार्टी केन्द्रीय कार्यालय बिजुलीबजारमा आज पार्टी सदस्यता वितरण कार्यक्रममा उहाँले मधेस एवम् मधेसी जनताको हकअधिकार प्राप्त नभएसम्म सङ्घर्ष जारी रहने बताउनुभयो ।

अध्यक्ष ठाकुरले संविधान संशोधनको प्रक्रिया अघि बढे पनि अहिलेसम्म सत्तारुढ र विपक्षी दलकातर्फबाट ठोस प्रस्ताव आउन बाँकी रहेको बताउँदै आफ्ना माग सम्बोधन हुने गरी प्रस्ताव आए मात्र त्यसलाई स्वीकार गर्ने जानकारी दिनुभयो ।

तमलोपाका उपाध्यक्ष वृषेश चन्द्रलाल र केन्द्रीय सदस्य चन्दा चौधरीले पार्टी सङ्गठनिक संरचनालाई दुरुस्त पार्न सदस्यता अभियान सञ्चालन गरिएको बताउनुभयो ।

प्रतिक्रिया

सम्बन्धित सामाग्री

फेसबुक