आइतबार, कार्तिक ९ २०७७ | Sun, October 25, 2020
नेपालको समय: १७:१७ | UK Time: 11:32

ल्यान्क्यास्टरमा नेपाल पर्यटन प्रवर्धन

वीनेपाली
२०७३ मंसिर १ गते २३:४९

15044659_1192310590846664_438035816_o
लन्डन । बेलायतको ल्यान्क्यास्टर शहरमा नेपाल पर्यटन प्रवर्धनात्मक कार्यक्रम गरिएको छ । संस्कृति पर्यटन तथा नागरिक उड्ययन मन्त्री जीवनबहादुर शाही र नेपाल पर्यटन बोर्ड यूके प्रतिनिधि पशुपति भण्डारीको विशेष उपस्थितिमा पर्यटन प्रवर्धनात्मक कार्यक्रम गरिएको हो । गत ११ नोभेम्बरका दिन भएको उक्त कार्यक्रमको उद्देश्य भूकम्पपछि नेपाल घुम्न सुरक्षित छ भन्ने सन्देश प्रवाह गर्नु थियो ।

15102036_1192394554171601_641968241_o

कार्यक्रममा मन्त्री शाही, भण्डारीसहित ल्यान्क्यास्टर युनिभर्सिटीका पिचएडी स्कलर राममणी बर्तौला, बसन्ती शाही, लक्ष्मी भण्डारी, शान्ता पौडेल र ल्यान्क्यास्टर युनिभर्सिटीका अन्तर्राष्टिय विद्यार्थी दूत दीपक जिसी सहभागी थिए । उनीहरुलाई युनिभर्सिटीकी इन्टरनेशनल अफिस हेड एन्नी ब्रन्टले स्वागत गरेकी थिइन् । उक्त अवसरमा आपसी हित, शिक्षा, पर्यटन र सांस्कृतिक आदानप्रदानबारे छलफल भएको थियो । उक्त टिमले विश्वविद्यालयका विभिन्न अनुसन्धान केन्द्र र विभाग अवलोकन गरेर बेलायती शिक्षा प्रणालीबारे जानकारी लिएको थियो । विश्वविद्यालयको नयां लाइब्रेरीमा दुई देशको झण्डा साटासाट समेत गरियो । मन्त्री शाही, पर्यटन प्रतिनिधि भण्डारी र विद्यार्थी रविन भण्डारीले इन्टरनेशनल अफिसकी निर्देशकलाई नेपाली झण्डा प्रदान गरेका थिए ।

सो क्रममा निर्देशक ब्रन्टले आफ्नो विश्वविद्यालयमा हुने हरेक गतिविधिमा नेपाल पर्यटन र संस्कृतिबारे प्रचार प्रसार गर्ने आश्वासन दिएकी थिइन् । ल्यान्क्यास्टर विश्वविद्यालय अनुसन्धानका लागि विश्वमै प्रख्यात मानिन्छ ।

 

मन्त्री शाहीसहितको समूहले सोही दिन ल्यान्क्यास्टर सिटी काउन्सिल भ्रमण गरेको थियो । त्यस क्रममा मन्त्री शाहीसहितको टिमलाई काउन्सिलका डेपुटी मेयर श्रीमति कार्ला ब्रेसा, काउन्सिलर ड्यारिन क्लिफोर्ड र सिभिक एण्ड सेरेमोनियल सपोर्ट अफिसर जेनी किले स्वागत गरेका थिए ।

उक्त अवसरमा काउन्सिल पदाधिकारीलाई नेपाली झण्डा प्रदान गर्दै भविष्यमा नेपाल भ्रमण गर्न निमन्त्रणा गरिएको थियो । सो क्रममा ब्रिगेड अफ गोर्खाजले दुई सय वर्षसम्म गरेको योगदान र अर्थतन्त्रबारे छलफल भएको थियो । काउन्सिल पदाधिकारीले पनि नेपालको पर्यटन प्रवर्धन गर्न सहयोग गर्ने प्रतिवद्धता व्यक्त गरेका थिए । दुवै भेटमा बेलायत नेपाल कुटनीतिक सम्वन्धको दुई सय वर्ष गांठ र दुई देशबीचको सम्वन्धबारे चर्चा भएको थियो । उक्त कार्यक्रम संयोजन राममणी बर्तौताले गरेका थिए ।

प्रतिक्रिया

सम्बन्धित सामाग्री

फेसबुक