यूके डान्स अफमा प्रियंकाको विशेष प्रस्तुति

 

लन्डन । २७ नोभेम्बरका दिन हुन लागेको ‘यूके डान्स अफ’ नृत्य प्रतियोगितामा चर्चित नायिका प्रियंका कार्कीको विशेष प्रस्तुति रहने भएको छ । सपन इन्टरटेनमेन्टद्वारा गर्न लागिएको उक्त प्रतियोगितामा भाग लिन प्रियंका मंगलबार लन्डन आइसकेकी छिन् भने नायक दयाहाङ राई आज बुधबार सांझ लन्डन आइपुग्ने कार्यक्रम छ ।

‘यूके डान्स अफ’ को अन्तिम प्रतिष्पर्धाका लागि गत १२ नोभेम्बरमा सम्पन्न अडिसनबाट एकल र समूह गरि १० टिम छानिएका छन् । आयोजकले 
सहभागीको नृत्य युट्युबमा राखेका छन् । फिनालेमा त्यस युट्युब भिडियोबाट 
२५ प्रतिशत, अडियन्सबाट २५ प्रतिशत र निर्णायक मण्डलबाट ५० प्रतिशत अंक प्रदान गरिने सपन इन्टरटेन्मेन्टका सपन राईले जनाए ।

प्रतिष्पर्धामा आर्टिष्ट कल्चर ग्रुप, सविता एण्ड ग्रुप, जेनी सुनुवार, काजल गुरुङ, 
रिचा एण्ड स्नेहा, पुनम गुरुङ, श्रद्धा छन्त्याल, प्रतिष्ठा त्रिपाठी, योजना थापा र प्रमिला तामाङ छन् ।

नेपालकी चर्चित कोरियोग्राफर रिनासा बान्तवा राई निर्णायक र इभेन्ट एम्बासडर रहेको उक्त प्रतियोगितामा प्रथम हुनेले १२ सय पाउण्ड, दोश्रो हुनेले ८ सय पाउण्ड र तेश्रो हुनेले ५ सय पाउण्ड पुरस्कार र प्रमाणपत्र पाउने जनाइएको छ ।

सामुयल कोडी स्पोर्टस सेन्टर, फार्नबोरोमा हुने प्रतियोगिताको उद्देश्य नेपाली युवाहरुको प्रतिभा प्रस्फुटन गर्ने छ ।

प्रियंका, दयाहाङ लगायत अन्य कलाकारहरु बेलायतमा छायांकनमा समेत व्यस्त रहनेछन् । बेलायतका व्यवसायीहरुले निर्माण गर्न लागेको हाइ बजेट 
फिल्म ‘हयाप्पी डेज’ को छायांकनमा उनीहरु ४५ दिन यूके बस्नेछन् ।
फिल्म निर्देशक मिलन चाम्स बेलायतको लन्डन, अल्डरसट, फार्नबोरो, स्वीन्डन, स्कटल्याण्ड, वेल्स लगायत शहरमा फिल्म छायांकन 
गर्ने योजनामा छन् ।

‘हयाप्पी डेज’ मा वीपी खनाल, विक्रम जोशी, नरेश शर्मा, डा. अशोक बन्सल, सपन राई र मिलन चाम्सको समेत करिब एक करोड ७० लाख रुपैयां लगानी हुनेछ ।

प्रतिष्पर्धामा सहभागी प्रतिष्ठा त्रिपाठीको नाच हेर्नुस्ः