शुक्रबार, कार्तिक ७ २०७७ | Fri, October 23, 2020
नेपालको समय: १०:२५ | UK Time: 05:40

ट्रम्प विरोधी प्रदर्शन उग्र बन्दै

वीनेपाली
२०७३ कार्तिक २५ गते १३:२७
तस्विरः गेटी इमेज

तस्विरः गेटी इमेज

सनफ्रान्सिस्को (संयुक्त राज्य अमेरिका), २५ कात्तिक । अमेरिकामा डोनाल्ड ट्रम्प राष्ट्रपतिमा निर्वाचित भएपछि अमेरिकाभर विरोध प्रदर्शन शुरु भएको छ । विरोध प्रदर्शनका क्रममा पाँच जना घाइते भएका छन् ।

अमेरिकाको सियाटलमा बुधबार राति भएको आन्दोलनका क्रममा गोली प्राहारमा परी उनीहरु घाइते भएका हुन् ।

स्थानीय समयानुसार बेलुका बुधबार साँझ ७ बजेतिर ट्रम्प विरोधी प्रदर्शनकारीले पाइन र पिके सडकमा प्रदर्शन गरेको स्थानीय सञ्चार माध्यमले जनाएका छन् ।

सियाटल प्रहरीका उपप्रमुख रोबर्ट मर्नरले भने गोलीकाण्ड ट्रम्प विरोधी प्रदर्शनभन्दा व्यक्तिगत विवादको कारण भएको बताउनुभएको छ । घटनास्थलबाट एक जना पक्राउ परेका छन् ।

घाइते भएका पाँच जनामध्ये एक जना महिला र चार जना पुरुष रहेका छन् । उनीहरुलाई अस्पतालमा उपचार भइरहेको छ । उनीहरुमध्ये दुई जनाको अवस्था चिन्ताजनक रहेको सियाटल अग्नी नियन्त्रण विभागले ट्वीटरमार्फत जानकारी दिएको छ ।

घटनाका बारेमा प्रहरीले अनुसन्धान सुरु गरिसकेको र अपराधिले उन्मुक्ति नपाउने अधिकारीले जनाएका छन् । रासस, सिन्ह्वा

प्रतिक्रिया

सम्बन्धित सामाग्री

फेसबुक