शनिबार, कार्तिक १५ २०७७ | Sat, October 31, 2020
नेपालको समय: ०९:५७ | UK Time: 04:12

चीनद्वारा नेपाल सहित नौ देशका लागि राजदूत नियुक्त

वीनेपाली
२०७३ कार्तिक २२ गते २१:५१
chinese ambassador to Nepal

नेपालका लागि राजदूत यु होङ काठमाण्डौं पुगिसकेकी छिन्

बेइजिङ (चीन), २२ कात्तिक । चीनले नेपाललगायत विभिन्न नौ देशका लागि चिनियाँ राजदूत परिवर्तन गरेको छ ।

चिनियाँ नेसनल पिपुल्स कँग्रेसको स्थायी समितिले सिफारिस गर्न स्वीकृत दिएका राजदूतलाई चिनियाँ राष्ट्रपति सि जिनपिङले नियुक्त गर्नुभएको चीनको राष्ट्रिय व्यवस्थापिकाले सोमबार जारी गरेको विज्ञप्तिमा जनाइएको छ ।

चीनले नेपालका लागि वु चुन्ताइको ठाउँमा यु होङलाई सिफारिस गरी पठाएको छ । यसअघि गावनका लागि खटाइएका सु जिवेनको ठाउँमा हु चाङचुङलाई पठाइएको छ ।

यसैगरी नाइजरका लागि झाङ लिजुन, सियरालिअनका लागि वु पेङ, संयुक्त अरब इमिरेट्सका लागि नि जियान, मेसेडोनियाका लागि यिन लिसियान, फिनल्यान्डका लागि चेन ली, क्युबाका लागि चेन सी र डोमिनिकाका लागि लु कुनलाई नियुक्त गरिएको जनाइएको छ ।

प्रतिक्रिया

सम्बन्धित सामाग्री

फेसबुक