शनिबार, असोज १० २०७७ | Sat, September 26, 2020
नेपालको समय: १०:५७ | UK Time: 06:12

प्रहरी कारबाहीमा फिलिपिन्सका मेयरसहित नौ मारिए

वीनेपाली
२०७३ कार्तिक १२ गते २२:३८

29philippines-web1-superjumbo

किदापावान (फिलिसिन्स), १२ कात्तिक । फिलिपिन्स प्रहरीले लागू औषधविरुद्ध जारी राखेको कारबाहीको क्रममा एक फिलिपिनी मेयर र उनका सहयोगीसहित नौ जनाको मृत्यु भएको अधिकारीहरुले शुक्रबार जानकारी दिएका छन् ।

फिलिपिन्सका राष्ट्रपति रोद्रिगो डुतेर्टेले लागू औषध ओसारपसार विरुद्ध भीषण कारबाही जारी राख्ने चेतावनी दिनुभएको केही घन्टापछि नै सो कारबाही भएको जनाइएको छ ।

दक्षिणी सहर साउदी आम्पातुआनका मेयर सम्सुदिन दिमाउकोम सो कारबाहीको क्रमको मारिएका हुन ।

यसै वर्षको सुरुमा राष्ट्रपति डुतेर्टेले लागू औधषको गैरकानूनी व्यापारमा सङ्लग्नता रहेका सरकारी अधिकारीहरु, प्रहरी तथा न्यायधिससमेत गरी १५० भन्दा बढीको पहिचान गर्नुभएको थियो । ती १५० मध्ये नै मेयर दिमाउकोम पनि रहेका थिए ।

राष्ट्रपति डुतेर्टेले जारी राख्नुभएको लागू औषध विरुद्धको कारबाहीको क्रममा हालसम्म तीन हजार ८०० भन्दाबढी व्यक्तिको मृत्यु भइसेकेको छ ।

प्रहरी प्रवक्ता रोमेओ गाल्गोका अनुसार मेयर दिमाउकुम र उनका सुरक्षा अधिकारीले लागू औषधविरुद्ध कारबाहीमा लागेका प्रहरीमाथि नै गोली प्रहार गरेका थिए ।

सरकारी सुरक्षा अधिकारीले जाँचचौकीमा मेयर र उनका समूहको सवारी साधान रोकेर जाँच गर्न खोज्दा उनीमाथि नै गोली प्रहार गरेको बताइएको छ ।

गत मेमा भएको निर्वाचनबाट रोद्रिगो डुतेर्टे राष्ट्रपति पदमा ल्याउनुभएपछि लागू औषध ओसारपसार विरुद्ध भीषण कारबाही सुरु गर्नुभएको हो ।

प्रतिक्रिया

सम्बन्धित सामाग्री

फेसबुक