सोमबार, कार्तिक १० २०७७ | Mon, October 26, 2020
नेपालको समय: १०:०९ | UK Time: 04:24

शान्ति प्रक्रिया टुंगो नजिक – राष्ट्रपति सान्तोष

वीनेपाली
२०७३ असोज २२ गते १९:०६

colombia-nobel-peace-prize

ओस्लो, २२ असोज । यस वर्षको नोवेल शन्ति पुरस्कार विजेता कोलम्बियाका राष्ट्रपति जुआँ म्यानुएल सान्तोषले कोलम्बियाको शान्ति प्रक्रिया टुङ्गोको निकै नै नजिक पुगेको बताउनुभएको छ ।

नोवेल शान्ति पुरस्कार प्राप्त गरेपछि दिनुभएको प्रतिक्रियामा उहाँले सो धारणा राख्नुभएको हो । उहाँले अबका केही दिनमा नै कोलम्बियाली नागरिकले राखेको शान्तिको चाहाानाले सार्थकता पाउने बताउनुभएको हो ।

नोवेल शान्ति पुरस्कार प्राप्त गर्दा आफूलाई धेरै उर्जा मिलेको महसुश गरेको जानकारी पनि उहाँले दिनुभएको छ ।

संसार कै प्रतिष्ठित यस पुरस्कारले पक्कै पनि हामी सबैलाई शान्तिका लागि प्रेरित गरेको जानकारी पनि उहाँले दिनुभएको बताइएको छ ।

उहाँले आफूले प्राप्त गरेको सो उर्जा व्यक्तिगत रुपमा आफूलाई मात्र प्राप्त भएको नभएर देशको शान्तिको अभियानको लागि पनि हो भन्नुभएको छ ।

उहाँले यस पुरस्कार कोलम्बियाका लागि ठूलो उपलब्धि हो भन्दै आगामी दिनमा यसले शान्ति प्रक्रियाको पूर्णताका लागि आफूलाई र देशको लागि पनि सघाउने धारणा राख्नुभयो ।

उहाँले कोलम्बियाको शान्ति प्रक्रिया तार्किक निष्कर्षका पुग्ने चरणमा नै पुगेको पनि बताउनुभयो । उहाँले भन्नुभयो– दशकौँ लामो यस युद्धको अन्त्यको धेरै नै नजिक हामी पुगेका छौँ ।

एक अन्तरवार्तामा उहाँले उक्त पुरस्कार आफूले कोलम्बियाली नागरिकको नामबाट लिने पनि जनाउनुभएको छ ।

उहाँले भन्नुभयो–यो सबैको उपलब्धि हो, मैले कोलम्बियाली नागरिकको नाममा उनीहरुको सम्मानमा नै यो पुरस्कार ग्रहण गर्ने छु ।

उहाँले अब कोलम्बिया हिंसा अन्त्यको निकै नै नजिक आइसकेको र यसको औपचारिकता मात्र बाँकी रहेको जानकारी दिनुभयो ।

नोवेल फाउन्डेसनका लागि फोनमा दिनुभएको अन्तरवार्तामा राष्ट्रपति सान्तोषले भन्नुभयो– आधा शताब्दि लामो द्वन्द्वका क्रममा हिंसामा परेका र यो युद्धका कारण सताइएका जनताको स्मरण गर्दै आफूले सो पुरस्कार ग्रहण गर्न लागेको जानकारी पनि उहाँले दिनुभयो ।

राष्ट्रपति सान्तोषले भन्नुभयो– अब हामीले धेरै गर्नुपर्ने जस्तो छैन, तर जनताको प्रयास अझै पनि आवश्यक छ जसले गर्दा हामी शान्ति प्रक्रियाको अन्तिम टुंगोमा पुग्ने छौँ ।

प्रतिक्रिया

सम्बन्धित सामाग्री

फेसबुक