शुक्रबार, कार्तिक १४ २०७७ | Fri, October 30, 2020
नेपालको समय: १५:५० | UK Time: 10:05

घिमिरेको शव भेटियो

वीनेपाली
२०७३ असोज २२ गते ९:३७
घिमिरेको गाडी यहींबाट तल खसेको थियो । तस्विरः रासस

घिमिरेको गाडी यहींबाट तल खसेको थियो । तस्विरः रासस

चितवन, २२ असोज । यही असोज ९ गते त्रिशूली नदीमा पूर्व गृहमन्त्री माधवप्रसाद घिमिरेसहित बेपत्ता हुनुभएका उहाँका भाइ मोहन घिमिरेको शव आज फेला परेको छ ।

जिल्ला प्रहरी कार्यालय चितवनले दिएको जानकारीअनुसार तनहुँ जिल्लाको देवघाट गाविस–४ बगईस्थित त्रिशूली नदीमा उहाँको शव भेटिएको हो ।

काठमाडौँ महानगरपालिका, वडा नं १६ वनस्थली घर भएका घिमिरेको शव माझीले देखेपछि जिप्रका चितवनका प्रमुख प्रहरी उपरीक्षक वसन्तबहादुर कुँवरसहितको टोली घटनास्थल पुगेको थियो ।
पर्समा रहेको परिचयपत्र र एटिएम कार्डबाट शवको पहिचान भएको प्रहरीले जनाएको छ । शव भरतपुरको शवगृहमा ल्याउने काम भइरहेको छ । उहाँका अर्का भाइ बेपत्ता हुनुहुन्छ । उहाँहरुको खोजीकार्य जारी छ ।

सो दुर्घटनामा परी उहाँकी आमासहित तीनजनाको घटनास्थलमै मृत्यु भएको थियो भने चालकको काठमाडौँमा उपचार भइरहेको छ ।

प्रतिक्रिया

सम्बन्धित सामाग्री

फेसबुक