जेनेभा, ३१ असार । दक्षिण सुडानमा चार दिन लामो झडपमा कम्तिमा ३०० मानिसको मृत्यु भएको संयुक्त राष्ट्रसङ्घले शुक्रबार जनाएको छ ।
राष्ट्रसङ्घका अनुसार यही जुलाई ८ गतेदेखि राष्ट्रपति साल्भा कीर उपराष्ट्रपति रेइक मचोरका सेनाबीच भएको चार दिन लामो ठूलो झडपमा परी सयौँ घाइते भएको समेत बताइएको छ ।
जुलाई ८–११ सम्म भएको झडपमा ३०० भन्दा बढी मानिसको मृत्यु भएको सयौँ अन्य घाइते भएका र करिब ४२ हजार मानिस आन्तरिक रुपमा विस्थापित भएको संयुक्त राष्ट्रसङ्घ शरणार्थी मामिला हेर्ने संस्थाका प्रवक्ता विलियम स्पिन्डलरले बताउनुभयो ।
संसारकै कान्छो देश दक्षिण सुडानबाट करिब आठ लाख ३५ हजार मानिस शरणार्थीका रुपमा विभिन्न छिमेकी राष्ट्रमा पलायन भएका छन् ।
