आइतबार, कार्तिक १६ २०७७ | Sun, November 01, 2020
नेपालको समय: ०८:०५ | UK Time: 02:20

काबुलमा आतङ्कवादी आक्रमणमा १४ नेपाली मारिए

वीनेपाली
२०७३ असार ६ गते ९:२१

20062016111747afgan-1000x0

काठमाडौँ, ६ असार । अफगानिस्तानको राजधानी काबुलमा आतङ्कवादी समूहले गराएको विस्फोटनमा परी १४ नेपालीको निधन भएको छ ।

काबुलमा आज बिहान ५ः४० बजे मिनीबसमाथि बम आक्रमण भएको थियो । मृत्यु भएका सबै नागरिक नेपाली रहेको अफगान गृह मन्त्रालयले जनाएको छ । मन्त्रालयको वेबसाइटमा उक्त घटनामा नौ जना घाइते भएका जनाइएको छ । घाइते हुनेमा पाँच नेपाली र चार अफगान नागरिक रहेका छन् ।

नेपाली सुरक्षागार्ड बोकेको बसमाथि आक्रमण भएको अफगान गृह मन्त्रालयले जनाएको छ ।
उपप्रधानमन्त्री एवम् परराष्ट्रमन्त्री कमल थापाले उक्त घटनामा परी नेपालीको निधन भएको जनाउनुभएको छ ।

मन्त्री थापाले उक्त आतङ्कवादी घटनाको कडा शब्दमा निन्दा गर्नुभएको छ । उहाँले भन्नुभएको छ – “चौध नेपालीको आतङ्कवादी आक्रमणमा परेर निधन भएको जानकारीमा आएको छ । उक्त नृशंस आक्रमणको कडा शब्दमा निन्दा गर्दछु ।”

प्रतिक्रिया

सम्बन्धित सामाग्री

फेसबुक