शनिबार, कार्तिक १५ २०७७ | Sat, October 31, 2020
नेपालको समय: २२:३२ | UK Time: 16:47

बेल्जियममा रहेका म्याग्देलीद्वारा विद्यालयलाई सहयोग

वीनेपाली
२०७३ वैशाख ६ गते ९:३३

म्याग्दी, ६ वैशाख । बेल्जियममा रहेका म्याग्देलीको संस्था ‘म्याग्दी प्रवासी नेपाली सङ्घ’ (मोना) ले म्याग्दीका चार भूकम्प प्रभावित विद्यालयलाई आर्थिक सहयोग गरेको छ ।

म्याग्दी उद्योग वाणिज्य सङ्घको संयोजनमा मोना बेल्जियमले म्याग्दीका चार विद्यालयलाई रु ७५ हजारका दरले आर्थिक सहयोग गरेको हो ।

बेनीमा आज आयोजित एक कार्यक्रममा प्रमुख जिल्ला अधिकारी केशव आचार्य, जिल्ला शिक्षा अधिकारी रामप्रसाद अधिकारी र म्याग्दी उद्योग वाणिज्य सङ्घका अध्यक्ष जीवनबहादुर विश्वकर्माले उक्त रकम हस्तान्तरण गर्नुभएको हो ।

मुक्तिमार्ग उमावि घारा, भानु उमावि रत्नेचौर, महेन्द्र उमावि बरंजा र हिमालय प्रावि पिप्लेलाई रु ७५ हजारका दरले आर्थिक सहयोग हस्तान्तरण गरिएको हो । आर्थिक सहयोग हस्तान्तरण गर्दै प्रजिअ आचार्यले म्याग्दीको विकासमा प्रवासी म्याग्देलीबाट महत्वपूर्ण सहयोग प्राप्त भएको बताउनुभयो ।

मोना बेल्जियमले यस अगाडि अन्य चारवटा विद्यालयलाई पनि ओमकुमारी शान्तिकोषमार्फत रु ७५ हजारका दरले आर्थिक सहयोग उपलब्ध गराएको थियो ।

प्रतिक्रिया

सम्बन्धित सामाग्री

फेसबुक