बेलायती राजकुमार लमजुङमा, भोलि पोखरा जाने

Prince Harry

लमजुङ ८ चैत । नेपाल भ्रमणमा रहनु भएका बेलायतका राजकुमार यहाँस्थित भीरकुना गैरा–४ आइपुग्नुभएको छ ।
उहाँलाई स्थानीय गुरुङ समुदायले परम्परागत तबरले स्वागत गरेका थिए । सेतो टीका लगाइदिएर राजकुमार ह्यारीको स्वागत गरिएको थियो ।

उहाँले विनासशकारी भूकम्पले क्षति पुरयाएको भूतपूर्व ब्रिटिश गोर्खाका घर र त्यहाँ रहेका आफन्तहरुसँग जानकारी लिनुभएको थियो ।

भोलि पोखरा आउँदै

पोखरा, ८ चैत । बेलायती राजकुमार ह्यारी भोलि पोखरा आउँदै हुनुहुन्छ ।

नेपालको औपचारिक पाँचदिने भ्रमणमा चैत ६ गते राजधानी काठमाडौँ आइपुग्नुभएका ह्यारी भोलि पोखरा आउनुहुने भएको हो । कास्कीका सहायक प्रमुख जिल्ला अधिकारी कृष्णप्रसाद रेग्मीका अनुसार पोखरा लामाचौरस्थित बिट्रिस क्याम्पमा हुने एक समारोहमा सहभागी भई ह्यारी भोलि नै काठमाडौंँ फर्कने कार्यक्रम छ ।

बेलायती राजदूतावासका अनुसार सुन्दर पर्यटकीय नगरी पोखराको प्राकृतिक दृश्यावलोकन गर्न ह्यारी पोखरा आउन लाग्नुभएको हो । नेपाल र बेलायतबीच कूटनीतिक सम्बन्ध स्थापना भएको २०० वर्ष पुगेको अवसर पारेर पारस्परिक सम्बन्धका दुई शताब्दीलाई चिरस्मरणीय तुल्याउन बेलायतकी महारानीका प्रतिनिधिका रूपमा आउनुभएका ह्यारीको पोखरा भ्रमणलाई महत्वपूर्ण अवसरका रुपमा पोखरेलीले लिएका छन् ।

पोखरा रहँदा उहाँ वीरता र पराक्रममा ख्याति कमाएका गोर्खा सैनिकका परिवारजनसित पनि भलाकुसारी गर्नेलगायतका कार्यक्रममा सहभागी रहनु हुनेछ ।

प्रतिक्रिया

सम्बन्धित सामाग्री