शुक्रबार, कार्तिक १४ २०७७ | Fri, October 30, 2020
नेपालको समय: ०८:०३ | UK Time: 02:18

सरकारमा जानुको औचित्य छैन– देउवा

वीनेपाली
२०७२ चैत ७ गते १३:४२
नेपाली राजनीतिकका शिखर व्यक्तित्व गिरिजाप्रसाद कोइरालाको सातौं स्मृति दिवसका अवसरमा आइतबार आयोजित विचार गोष्ठीको सम्बोधन गर्नुहुँदै नेपाली काँग्रेसका सभापति शेरबहादुर देउवा । तस्बिरः मदन गौतम, रासस

नेपाली राजनीतिकका शिखर व्यक्तित्व गिरिजाप्रसाद कोइरालाको सातौं स्मृति दिवसका अवसरमा आइतबार आयोजित विचार गोष्ठीको सम्बोधन गर्नुहुँदै नेपाली काँग्रेसका सभापति शेरबहादुर देउवा । तस्बिरः मदन गौतम, रासस

काठमाडौँ, ७ चैत । नेपाली काँग्रेसका सभापति शेरबहादुर देउवाले आपसमा बाँडेर खानकै लागि सरकारमा जानुको औचित्य नरहेको बताउनुभएको छ ।

पूर्व सभापति गिरिजाप्रसाद कोइरालाको छैटाँै स्मृति दिवसका अवसरमा आज यहाँ आयोजित कार्यक्रममा उहाँले भन्नुभयो– “एकैसाथ बाँडीचुँडी खाउँ, सरकारमा जाउँ भन्ने हो भने केही छैन, होइन भने हामीबीच सहकार्यको आवश्यकता छ ।”

‘जिपी अध्ययन केन्द्र’ ले आयोजना गरेको ‘गिरिजाबाबुको सहकार्यको नीति र अबको राजनीति’ विषयक विचार गोष्ठी शुभारम्भ गर्दै उहाँले काँग्रेसको महाधिवशेन उद्घाटनमा आएका विदेशी प्रतिनिधिले यहाँका राजनीतिक दलको सहकार्य देखेर प्रशंसा गरेको प्रसङ्ग पनि उल्लेख गर्नुभयो ।

शान्ति स्थापना, गणतन्त्र घोषणा र संविधान निर्माणमा गिरिजाबाबुले निर्वाह गरेको भूमिकाको प्रशंसा गर्दै सभापति देउवाले संविधान बने पनि कार्यान्वयनमा समस्या आएका अवस्थामा राजनीतिक दलबीच सहकार्य नभए स्थायी शान्ति नहुने उल्लेख गर्नुभयो ।

उहाँले देशको प्राकृतिक सम्पदाको सदुपयोग गर्न, जलस्रोत तथा पर्यटन क्षेत्रको विकास र औद्योगिक क्षेत्रमा लगानीको वातावरण सिर्जना गर्न राजनीतिक दलबीच सहकार्यको अवश्यकता भएको बताउनुभयो ।

नेकपा (एमाले)का महासचिव ईश्वर पोखरेलले संविधान जारीपछि सङ्क्रमणकालीन अवस्था अझै नसकिएको र संविधानको विरोध गर्ने तत्व अझै सक्रिय भएकाले यसको सफल कार्यान्वयनका लागि सबै दल एकै ठाउँमा उभिनुपर्ने र नेतृत्व कसले गर्ने भन्ने कुरो गौण हो भन्नुभयो ।

राजनीतिक दृष्टकोणले कष्टकर मानिएका अवस्थामा पनि शान्ति स्थापनाका लागि समर्पण भएकैले गिरिजाबाबु सम्मानित हुनुभएको हो भन्दै उहाँले आग्रह वा पूर्वाग्रहको सहकार्यले देश धरासायी हुने भएकाले विगतका कामको वस्तुनिष्ठ मूल्याङ्कन गर्न र राष्ट्रिय स्वाभिमानको मुख्य आधार आत्मनिर्भरतालाई नीति र योजनामा समावेश गर्न सुझाव दिनुभयो ।

कार्यक्रममा नेपाली काँग्रेसका केन्द्रीय सदस्य विश्वप्रकाश शर्मा, प्रदीप पौडेल, धनराज गुरुङ र आयोजक संस्थाका सल्लाहकार भिमसेनदास प्रधानले नेता कोइरालको योगदानको चर्चा गर्दै अबको नेतृत्वले पनि आफूलाई वर्षांै लेखिने पुस्तकको पात्र बनाउन, छिमेकी मुलुकबीचको सम्बन्धमा साझा धारणा बनाउन सुझाव दिनुभयो ।

विचार गोष्ठीमा हास्य कलाकार श्रीकृष्ण सिम्खडाले ‘अहिले गिरिजाबाबु भइदिएको भए के भन्थे ?” भन्ने सन्देशको अनुकरण गर्नुभएको थियो ।

प्रतिक्रिया

सम्बन्धित सामाग्री

फेसबुक