शुक्रबार, कार्तिक १४ २०७७ | Fri, October 30, 2020
नेपालको समय: ०८:१२ | UK Time: 02:27

सञ्चार निकायका प्रमुखले आफूखुसी भ्रमणमा जान नपाउने

वीनेपाली
२०७२ चैत ३ गते १२:५९
मन्त्री शेरधन राई

मन्त्री शेरधन राई

काठमाडौँ, ३ चैत । सूचना तथा सञ्चार मन्त्रालयले मातहतका निकाय÷संस्थानका प्रमुखले आफूखुसी स्वदेश वा विदेश भ्रमणमा जान नपाइने निर्णय गरेको छ ।

मातहतका कुनै पनि निकायका प्रमुखले विदेश जानुपर्दा सञ्चारमन्त्री र काठमाडौँ उपत्यका बाहिर जानुपर्दा सचिवसँग अनिवार्य अनुमति लिनुपर्ने गरी कार्यविधि जारी गरिएको छ । मन्त्री शेरधन राईले मङ्गलबार सो कार्यविधि स्वीकृत गर्नुभएको हो ।

ती निकायका प्रमुखले आफूखुसी भ्रमणमा जाने, प्रतिवेदन नदिने, मन्त्रालयका कतिपय काममा समन्वय नगर्ने र सवारी साधनको दुरुपयोग गर्ने गरेको पाइएपछि सरकारले त्यस्तो कार्यमा रोक लगाएको हो ।

मन्त्रालयका सचिव दिनेशकुमार थपलियाले त्यसरी भ्रमणमा जाने प्रमुखले फर्केपछि कार्यक्रमको प्रतिवेदन र औचित्य पेस गर्नुपर्ने बताउनुभयो ।

प्रतिक्रिया

सम्बन्धित सामाग्री

फेसबुक