शनिबार, कार्तिक १५ २०७७ | Sat, October 31, 2020
नेपालको समय: ०२:०७ | UK Time: 20:22

सार्क बैठकको सवारी व्यवस्थाको पूर्वअभ्यास

वीनेपाली
२०७२ फागुन ३० गते ११:२७
भोलिदेखि चैत ४ गतेसम्म पोखरामा हुने सार्क परराष्ट्रमन्त्रीस्तरीय बैठकको तयारीस्वरूप आइतबार सवारीको पूर्वअभ्यास गरिँदै । पोखरा विमानस्थलदेखि परराष्ट्रमन्त्रीहरूको बैठकस्थल पोखरा ग्रान्ड होटलसम्म सो अभ्यास गरिएको हो । तस्बिर ः वासुदेव पौडेल, पोखरा, रासस

भोलिदेखि चैत ४ गतेसम्म पोखरामा हुने सार्क परराष्ट्रमन्त्रीस्तरीय बैठकको तयारीस्वरूप आइतबार सवारीको पूर्वअभ्यास गरिँदै । पोखरा विमानस्थलदेखि परराष्ट्रमन्त्रीहरूको बैठकस्थल पोखरा ग्रान्ड होटलसम्म सो अभ्यास गरिएको हो । तस्बिर ः वासुदेव पौडेल, पोखरा, रासस

पोखरा, ३० फागुन । भोलिदेखि चैत ४ गतेसम्म पोखरामा हुने सार्क परराष्ट्रमन्त्रीस्तरीय बैठकको तयारीस्वरुप आज सवारीको पूर्वअभ्यास गरिएको छ ।

पोखरा विमानस्थलदेखि परराष्ट्रमन्त्रीहरूको बैठकस्थल पोखरा ग्रान्ड होटलसम्म सो अभ्यास गरिएको हो ।

उक्त पूर्वअभ्यासमा मूल सहयोग समितिका संयोजक एवम् क्षेत्रीय प्रशासक शङ्करप्रसाद कोइराला, क्षेत्रीय सुरक्षा समिति एवम् जिल्ला सुरक्षा समितिका पदाधिकारीलगायतको उपस्थिति थियो ।

पोखरा विमानस्थलमा सञ्चारकर्मीहरूको जिज्ञासामा क्षेत्रीय प्रशासक कोइरालाले बैठकका लागि आवश्यक सम्पूर्ण तयारी भइसकेको जानकारी दिनुभयो ।

पश्चिम क्षेत्रीय प्रहरी कार्यालय पोखराका प्रमुख प्रहरी नायब महानिरीक्षक मिङ्मार लामाले बैठकका लागि सम्पूर्ण सुरक्षा व्यवस्था गरिएको बताउनुभयो ।

जिल्ला सुरक्षा समितिका संयोजक एवम् कास्कीका प्रमुख जिल्ला अधिकारी हरिप्रसाद मैनालीले प्रभावकारी सुरक्षा व्यवस्थाका लागि एकीकृत सुरक्षा योजनाअन्तर्गत सबै व्यवस्थापन गरिसकिएको जानकारी दिनुभयो ।

उहाँले बैठकबाहेक विशिष्ट पाहुनाले पर्यटकीयस्थल पोखराको अवलोकन गर्न चाहेमा पनि सुरक्षा व्यवस्था तयारी रुपमा राखिएको बताउनुभयो ।

प्रतिक्रिया

सम्बन्धित सामाग्री

फेसबुक