
सार्क परराष्ट्र मन्त्रीस्तरीय बैठकको तयारी अन्तिम चरणमा
पोखरा, २८ फागुन । आगामी चैत १ गतेदेखि ४ गते (मार्च १४–१७)सम्म पोखरामा हुने दक्षिण एसियाली क्षेत्रीय सहयोग सङ्गठन(सार्क) परराष्ट्र मन्त्रीस्तरीय बैठकको तयारी सम्बन्धमा नायब शिष्टाचार माहापाल राजाराम वर्तौलाले आज पोखरामा भइरहेको तयारीबारे सम्बन्धित निकायसँग छलफल गर्नुभएको छ ।
बैठकको पूर्व तयारीका सन्दर्भमा बिहीबार पोखरा आउनुभएका वर्तौलाले आज स्थानीयरुपमा भइरहेको तयारीका सम्बन्धमा मूल व्यवस्थापन सहयोग समितिका संयोजक क्षेत्रीय प्रशासक शङ्करप्रसाद कोइरालासहित सुरक्षासम्बद्ध पदाधिकारी लगायतसँग छलफल गर्नुभएको हो ।
रासससँगको कुराकानीमा वर्तौलाले बैठकको तयारी लगभग अन्तिमचरणमा पुगिसकेको जानकारी दिनुभयो । उहाँका अनुसार मार्च १७मा सार्क परराष्ट्र मन्त्रीस्तरीय बैठक हुनेछ भने त्यसअघि मार्च १६मा स्थायी समितिको बैठक हुनेछ ।
कार्यक्रम समितिको बैठक मार्च १४ र १५ तारिकमा हुने भएकाले मार्च १३मा कार्यक्रम समितिको बैठकका लागि पाहुना पोखरा आइसक्ने वर्तौलाले जानकारी दिनुभयो ।
त्यस्तै मार्च १६मा हुने स्थायी समितिको बैठकका लागि मार्च १४ र १५ मा सार्क स्थायी समितिका सदस्य पोखरा आइसक्ने र मार्च १७मा हुने परराष्ट्र मन्त्रीहरूको बैठकका लागि सदस्य राष्ट्रका परराष्ट्र मन्त्री मार्च १६ मा पोखरा आइसक्ने उहाँले बताउनुभयो ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायतमा काम गर्न चाहने विदेशी नागरिकका लागि मङ्गलबारदेखि भिसा आवेदन खुला
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई