शनिबार, कार्तिक १५ २०७७ | Sat, October 31, 2020
नेपालको समय: १३:१३ | UK Time: 07:28

काँग्रेस महाधिवेशन भड्किलो, खानामा मात्र झन्डै एक करोड दुई लाख

वीनेपाली
२०७२ फागुन १९ गते १३:३३
नेपाली काँग्रेसको १३ औं महाधिवेशनमा भाग लिन पार्टी कार्यालय पुगेका विभिन्न जिल्लाका प्रतिनिधिहरु । तस्बिर ः रत्न श्रेष्ठ, रासस

नेपाली काँग्रेसको १३ औं महाधिवेशनमा भाग लिन पार्टी कार्यालय पुगेका विभिन्न जिल्लाका प्रतिनिधिहरु । तस्बिर ः रत्न श्रेष्ठ, रासस

काठमाडौँ, १९ फागुन । नेपाली काँग्रेसको १३ औँ महाधिवेशनमा सहभागी हुन आउनेलाई काँग्रेसले माछामासुसहितको खाना खुवाउने भएको छ ।

पार्टी केन्द्रीय कार्यालय सानेपामा आज पत्रकार सम्मेलन गरी भोजन तथा आवास व्यवस्थापन समितिले उनीहरुलाई नौ छाक खाना खुवाउने तयारी गरिएको समितिका संयोजक तथा पार्टीका केन्द्रीय सदस्य बलबहादुर केसीले जानकारी दिनुभयो ।

मुसलमान समुदाय र साहकारीका लागि उनीहरुको चाहनाअनुसार छुट्टै खानपानको व्यवस्था गरिने भएको छ । भोजनका लागि कुल रु एक करोड दुई लाख छयासी हजार २५० खर्च हुने अनुमान समितिले गरेको छ ।

आवासका लागि भने महाधिवेशन अवधिभर झन्डै रु दुई करोड २० लाख एक हजार ३८४ खर्च हुने अनुमान गरिएको छ । महाधिवेशनभर प्रतिनिधि बस्नका लागि ठमेलका ४५, गौशालाका १९, सुन्धाराका ६२ र बागबजारको एक होटल गरी १२७ वटा होटल व्यवस्था गरिएको छ ।

उहाँले महाधिवेशनका लागि देश तथा विदेशबाट आएका महाधिवेशन प्रतिनिधि बाहेक पर्यवेक्षक, पाहुना र सहयोगीहरुसहित झण्डै तीन हजार ५०० लाई भोजन तथा आवासको तयारी गरिएको बताउनुभयो । काठमाडाँैं उपत्यकाका काठमाडौँ, ललितपुर र भक्तपुरबाट आउनेहरुलाई भने आवासको व्यवस्था गरिएको छैन ।

प्रतिक्रिया

सम्बन्धित सामाग्री

फेसबुक