बिहीबार, कार्तिक १३ २०७७ | Thu, October 29, 2020
नेपालको समय: ११:२८ | UK Time: 05:43

एनआरएनए यूके सदस्यहरुलाई विशेष छुट

वीनेपाली
२०७२ फागुन १८ गते १८:०६

12803266_966214626805443_8309121765807041710_n

लन्डन । गैर आवासीय नेपाली संघ बेलायत (एनआरएनए यूके) का 
पंजीकृत सदस्यहरुले बेलायतभरका नेपाली व्यवसायहरुबाट विशेष छुट पाउने भएका छन् ।
आज मंगलबार रसमुर एरियाबाट यसको प्रक्रिया शुरु गरिएको छ । अध्यक्ष मुछेत्र गुरुङले जानकारी दिए अनुसार एम रेस्टुरेन्ट, न्यू लक्की ज्वेलरी, लक्ष्मी ज्वेलरी, गोर्खा बराह ज्वेलरी, एभरेष्ट क्यास एण्ड क्यारी, क्वालिटी सुपर स्टोर, नमुना हेयर सलुन, सिराज फेशन हाउस, मिमोसा रेष्टुरेन्ट र गोर्खा प्यालेस रेस्टुरेन्ट फानबोरोबाट विशेष छुटका लागि आवश्यक कागजात हस्तान्तरण गरिएको छ ।

यसका लागि संघले बेलायतका हरेक क्षेत्रमा पदाधिकारीहरुलाई जिम्मा दिइसकेको जनाउंदै अरु क्षेत्रमा पनि विस्तार गरिने जनाएको छ । जसअनुसार साउथ इष्टमा अर्जुन कटुवाल, ललित न्यौपाने, दीपक श्रेष्ठ र फडिन्द्र भट्टराई, रेडिङ एरियामा ललित गुरुङ र सल्लाहकार मीनप्रसाद गुरुङ तथा लन्डन 
एरियामा कृष्ण तिवारी र सनत गुरुङलाई जिम्मा दिइएको हो ।

संघको सदस्यता लिएमा सबै नेपालीको साझा संस्थाको सदस्य बन्न पाउने गौरवसहित बेलायतभरका नेपाली विभिन्न व्यवसायबाट छुट पाइने गुरुङले जनाए । यसले नेपाल हाउसमा आर्थिक योगदान गर्न सकिने समेत बताइएको छ ।

प्रतिक्रिया

सम्बन्धित सामाग्री

फेसबुक