पत्रकार महासंघका महासचिव लन्डन उत्रिए

लन्डन । नेपाल पत्रकार महासंघका केन्द्रिय महासचिव उजिर मगर शुक्रवार बिहान लन्डन उत्रिएका छन् । नेपाल पत्रकार महासंघ, बेलायत शाखाको आगामी ६ मार्चमा हुन गइरहेको तेश्रो अधिवेशनमा भाग लिन मगर लन्डन आएका हुन् ।

बिहान सबेरै हिथ्रो विमानस्थल उत्रंदा महासचिव मगरलाई नेपाल पत्रकार महासंघ, बेलायतका वरिष्ठ उपाध्यक्ष नरेश खपांगीमगर, उपाध्यक्ष धर्मराज अधिकारी, सचिव लिलामान शेरपुन्जा लगायतले स्वागत गरेका थिए ।

अधिवेशनकै लागि आगामी साता केन्द्रिय अध्यक्ष डा. महेन्द्र विष्ट र सञ्चारमन्त्रीका प्रेस सल्लाहकार मात्रिका पौडेल पनि लन्डन आउने तय भइसकेको छ ।

तेश्रो अधिवेशन तयारी तीव्र भइरहेको शाखाले जनाएको छ । यही आइतबार २८ फेब्रुअरी बिहान उम्मेदवारी दर्ता हुने दिनलाई महत्वका साथ हेरिएको छ । निर्वाचन समितिले बिहीबार अन्तिम मतदाता नामावली प्रकाशित गरेको छ जसमा ७४ सदस्य मत दिन योग्य ठहरिएका छन् ।

यसपटक अध्यक्ष पदमा वरिष्ठ उपाध्यक्ष नरेश खपांगीमगर र पार्षद विमला सेनेले उम्मेदवारी दिने घोषणा गरेका छन् । वरिष्ठ उपाध्यक्षमा महासचिव श्याम लुईंटेल र उपाध्यक्ष धर्मराज अधिकारी, उपाध्यक्षमा सचिव लिलामान शेरपुन्जा र सदस्य नृपेश उप्रेती, महासचिवमा ध्रुवराज अर्याल, राजकुमार थापा र मिलन वाग्लेले उम्मेदवारी दिने चर्चा छ । नारायण गाउंलेले भने अध्यक्ष देखि महासचिवसम्मका कुनै एक पदमा उम्मेदवारी दिने जनाएका छन् । तयसैगरि, सचिवमा शिव भण्डारीको नाम छ ।