सोमबार, माघ १२ २०७७ | Mon, January 25, 2021
नेपालको समय: १५:२२ | UK Time: 09:37

पुरुष फुटबलमा नेपालले बङ्गलादेशको सामना गर्ने

वीनेपाली
२०७२ माघ २७ गते २३:००

1440674840167_Pro_Ktm_ Saaf Football Nepal VS Agf (2)

काठमाडौँ, २७ माघ । दक्षिण एसियाली खेलकुद (साग) प्रतियोगिताअन्तर्गत पुरुष फुटबल प्रतियोगिताको समूह चरणको अन्तिम खेलमा नेपालले भोलि बङ्गलादेशको सामना गर्ने भएको छ ।

भारतको गुहावटीमा हुने खेलमा नेपालले विजय लक्ष्यका साथ बङ्गलादेशको सामना गर्न लागेको हो । नेपालले यसअघि भएको पहिलो खेलमा भुटानलाई ५–० गोलअन्तरले पराजित गर्दै सेमिफाइनलको यात्रा तय गरिसकेको छ । भुटान र बङ्गलादेशबीचको खेल १, १ गोलको बराबरीमा टुङ्गिएपछि नेपालले सेमिफाइनलको यात्रा एक खेल अगावै तय गरेको हो ।

त्यस्तै नेपालले बङ्गलादेशलाई पराजित गरेमा समूह बी को विजेता बन्दै सेमिफाइनका यात्रा तय गर्नेछ भने हार बेहोरेमा समूहको उपविजेताका रुपमा सेमिफाइनमा प्रवेश गर्नेछ ।

त्यसैगरी सागअन्तर्गत महिला फुटलब प्रतियोगितामा नेपाली महिला टोलीले भोलि आयोजक भारतको सामना गर्नेछ । यसअघि दुई खेल खेलेको नेपालले दुई खेलमा नै जित हासिल गरिसकेको छ ।

नेपाली महिला टोलीले बङ्गलादेशलाई ४–० गोलअन्तरले पराजित गरेको थियो भने दोस्रो खेलमा माल्दिभ्सलाई २–० गोलअन्तरले पराजित गरेको थियो । जारी प्रतियोगितामा नेपालले अपराजित रहँदै ६ अङ्क जोडेको छ ।

प्रतिक्रिया

सम्बन्धित सामाग्री

फेसबुक