अबुधाबी (यूएई), २४ माघ । युनाइटेड अरब इमिरेट्सले आइतबार इस्लामिक स्टेट (आईएस) विरोधी अन्तर्राष्ट्रिय सहकार्यका लागि सिरियामा स्थल सेना पठाउने तयारी भएको जनाएको छ ।
यूएईका विदेश मामिलामन्त्री अनवर गारगस यूएईको सङ्घीय राजधानी अबुधाबीमा बोल्दै सो कुरा बताउनुभएको हो ।
यदि अमेरिकी नेतृत्वको संयुक्त सुरक्षाफौजले सिरियामा यूएईको सहयोग मागेमा यूएईले स्थल सेना पठाउन तयार रहेको बताउनु भयो ।
सिरियामा स्थल सेनाको कमी भएको मौकाको फाइदा लिई आतङ्कवादी गतिविधि सञ्चालन गर्दै आएको बताउँदै उहाँले भन्नुभयो, हामी दायस समूहसँगको आतंकवादी गतिविधि नियन्त्रण ढिलो गतिमा भएको भन्दै यसबाट युएई सन्तुष्ट नभएको बताउनुभयो ।
सिरियाको सरकारले शनिबार देशमा विद्यमान द्वन्द्वमा विदेशी हस्तक्षेप अस्वीकार्य हुने बताएको थियो ।
सिरिया सरकारको यो भनाइ सिरियाली प्रतिपक्षी दल तथा विद्रोही समूहलाई सहयोग पुरयाउँदै आएका टर्की र साउदी अरबले आवश्यक परेमा त्यहाँबाट सैनिक सहयोग दिइने भनी पछिल्ला दिनहरुमा आएका भनाइप्रति लक्षित गरी आएको हो ।
सरकारको सहमतिबिना कुनै पनि विदेशी सहयोग सिरियाका लागि मान्य नहुने बताउँदै यसो भएमा यसबाट आउने नतिजाको जिम्मेवारी विद्रोहीलाई उक्साउने मुलुकले नै लिनुपर्ने सिरियाली विदेशमन्त्री बालिद मौलेमले पत्रकार भेटका क्रममा बताउनुभएको थियो ।
मौलुमले दिदेशी हस्तक्षेप आफ्नो राष्ट्रलाई चेतावनी दिदै कुनै पनि विदेशी हमलाकारी सिरियामा आएमा उनीहरु ‘कफिन’ मा फिर्ता हुनेछन् भनी कडा चेतावनी दिनुभएको हो ।