इस्लामाबाद (पाकिस्तान), २४ माघ । दक्षिण पाकिस्तानको सिन्ध प्रान्तस्थित एक टापुमा रहेको एउटा काठको छाप्रोमा शनिबार आगलागी हुँदा एकै परिवारका १० सदस्यको मृत्यु भएको प्रहरीले बताएको छ ।आइतबार घटनाको विवरणबारे जानकारी दिँदै उच्चपदस्थ प्रहरी मोहम्मद जावेदले भन्नुभयो, प्रारम्भिक छानबिनबाट राति बालिएको तेलको बत्तीलाई हावाले ढालेपछि उक्त काठे घर जलेर नष्ट भएको थियो । घरभित्र सुतेका परिवारका सबै सदस्य आगोमा जलेर मृत्यु भएको थियो ।
मृतकमध्ये पाँच पुरुष, तीन महिला र दुई बालबालिका रहेको जावेदले बताउनुभयो ।
