तस्विरः इन्दिराको फेसबुक पेजबाट
लन्डन । यतिखेर बेलायतका विभिन्न शहरमा डुलिरहेका दुई गायिका इन्दिरा जोशी र सुनिता दुलालले नेपाल फर्कनै लाग्दा साउथ इष्टमा एउटा अतिरिक्त शो पाएका छन् । उक्त क्षेत्रमा नेपाली उल्लेख्य भएपनि दुई लोकप्रिय गायिकाको कार्यक्रम थिएन । माग अत्यधिक भएसंगै प्रकाश कंडेल र जीवन अधिकारीले कन्सर्ट गर्न आंटेपछि गायिकालाई ओभर टाइम मिलेको हो ।
इन्दिरा, सुनितासहित नृत्य निर्देशक गोविन्द राईको सहभागितामा आगामी १ फेब्रुअरीमा सनराइज
सांगीतिक सांझ हुने भएको छ ।
ति कलाकार झिकाएको ब्रिटिश गोर्खा नेपलिज काउन्सिलले उक्त शोलाई एक हजार पाउण्डमा बेचेको हो ।
कंडेलले ऊलवीचस्थित लोटस क्लवमा सांझ ६ देखि कार्यक्रम हुने जानकारी दिए । उनले कार्यक्रममा आइदिन सबैमा आग्रह समेत गरेका छन् ।
गायिकाहरु ७ फेब्रुअरीमा बेलायत टुर सके लगत्तै नेपाल फर्कंदैछन् ।
