आइतबार, माघ ४ २०७७ | Sun, January 17, 2021
नेपालको समय: २०:५१ | UK Time: 15:06

राजन मुकारूङकाे ‘फेरिँदो सौन्दर्य’लाई दुई लाख रुपैयाको पहिचान पुरस्कार

वीनेपाली
२०७२ माघ ९ गते १८:२८
ferido saundarya
लन्डन । मदन पुरस्कार विजेता आख्यानकार राजन मुकारूङलाई पहिचान पुरस्कार दिइने भएको छ ।
पन्ध्र वर्षअघि देखि पहिचानको पक्षमा कलम चलाउंदै आएका आख्यानकार मुकारुङको फेरिंदो सौन्दर्यलाई सो पुरस्कार दिने निर्णय गरिएको पुरस्कार कोषले जनाएको छ ।
पहिलोपटक दिन लागिएको सो पुरस्कारको राशी २ लाख २ हजार २ रुपैयां छ ।
भोजपुरको दिल्पा नागी गा.वि.स.मा जन्मिएका मुकारुङले उपन्यासहरु हेत्छाकुप्पा, दमिनी भिर लगायत पांचवटा कविता संग्रह प्रकाशित गरिसकेका छन् । उनको कृति दमिनी भीरले मदन पुरस्कार पाइसकेको छ । मुकारुङका सबै कृतिहरु पहिचानको बारेमा लेखिएको र उनी स्वयम पहिचान प्राप्तिका लागि हरेक क्षेत्रबाट निरन्तर संघर्ष गरिरहेकाले उनलाई पहिचान पुरस्कार प्रदान गरिएको संस्थापक नरेश काङमाङ राईले जानकारी दिए ।

लेखनको माध्यमबाट पहिचानको मुद्दालाई जीवन्त दिन नेपाली साहित्य, संस्कृति र कलामा पहिचानसम्बन्धि लेखिएका पुस्तकलाई सम्मान र पुरस्कृत गर्दै ‘पहिचान पुरस्कार’ को घोषणा सन् २०१५ मा गरिएको बोर्ड अध्यक्ष टिका प्रसाद राईले बताए ।

नेपाली साहित्यको श्रीवृद्धिकालागि पहिचान सम्बन्धि अध्ययन अनुसन्धन हुने, पहिचान सम्बन्धि लेखन सक्रिय बनाउंदै जाने र नेपाली समाजमा रहेको पुरानो मनोविज्ञानलाई लेखनबाट भत्काउंदै, नयां बहुल समाज निर्माणका लागि पहिचान पुरस्कारको स्थपना गरिएको बोर्ड सदस्य डा. प्रमोद कोयी राईले जानकारी गराए ।
हाल दुई लाख दुई हजार दुई रुपैयां राशी रहेको सो पुरस्कारको राशी प्रत्येक वर्ष वा पांच पांच वर्षमा बढाउंदै लगिने र पुस्तकलाई पुरस्कार दिइने भए पनि लेखकको निरन्तरतालाई पनि महत्वको साथ हेरिने सदस्य जंग सुनुवारले जनाए ।

प्रतिक्रिया

सम्बन्धित सामाग्री

फेसबुक