बेलायतका नेपाली हिन्दुले भेटे बेलायती मन्त्री र सांसद

लण्डन । नेपलिज हिन्दू मंच युकेले बेलायतका रोजगार मन्त्री प्रीति पटेल र बेलायती संसद हाउस अफ कमन्समा सर्वदलीय हिन्दू समूहका संयोजक सांसद बब ब्ल्याकम्यानसित भेट गरेको छ ।
बेलायती संसद काउस अफ कमन्समा भएको सो भेटमा बेलायतस्थित नेपाली समुदाय र नेपाली हिन्दूहरुका विभिन्न विषयमा छलफल भएको बताइएको छ ।
मंचका महासचिव चिरञ्जीवी पौड्यालका अनुसार सो भेटमा पुरोहित तालिम, समानताको सम्बन्धी ऐन, दाहसंस्कार, हिन्दूहरुलाई चाडपर्वमा विदा लगायतका विषयमा छलफल भएको थियो ।
मन्त्री र सांसदले नेपाली प्रतिनिधिमण्डलले उठाएका सवालमा सकारात्मक प्रतिक्रिया दिएको उनले थपे ।
प्रतिनिधिमण्डलमा मंचका अध्यक्ष सूर्यप्रसाद उपाध्याय, संस्थापक सदस्य रवि लामिछाने, पण्डित दुर्गाप्रसाद पोखरेल, शंकर दाहाल र पौड्याल सहभागी थिए ।
टोलीले सांसल ब्ल्याकम्यानसित नाकाबन्दी र भुकम्पले गर्दा नेपालीहरुले सामना गरिरहनुपरेको असजिलोका बारेमा पनि ध्यानाकर्षण गराएको थियो । सांसल ब्ल्याकम्यानले सो बारेमा गम्भीर चासो व्यक्त गर्दै ती मानवीय सवालहरुमा आफ्नो तर्फबाट पूर्ण सहयोग रहने आश्वासन दिए ।