मंगलबार, असोज १३ २०७७ | Tue, September 29, 2020
नेपालको समय: २०:२४ | UK Time: 15:39

साउथ लण्डनमा काेम्बाे पार्टी

वीनेपाली
२०७२ पुष २६ गते १२:४५

SLNGA

लण्डन । साउथ लण्डन नेपलिज गोरखा एसोसिएसनले अंग्रेजी नयाँ वर्ष, ल्होसार, माघेसंक्रान्ति र क्रिसमसको अवसरमा संयुक्त कार्यक्रम आयोजना गरेको छ ।
मोर्डनस्थिन सेन्ट लरेन्स हलमा शनिबार आयोजित कार्यक्रममा वक्ताहरुले क्रिसमस, ल्होसार र माघेसंक्रान्तिको महत्वका बारेमा जानकारी गराएका थिए ।
एसोसिएसनका अध्यक्ष नुर थापाको अध्यक्षतामा भएको सो कार्यक्रममा रोजर विलियम्सले क्रिसमसका बारेमा, क्याप्टेन देवबहादुर गुरुङले ल्होसारका बारेमा र खुमबहादुर कन्वारले माघेसंक्रान्तिका बारेमा बोलेका थिए ।
कार्यक्रममा सहभागीहरु आ–आफ्नो मौलिक भेषभूषामा उपस्थित भएका थिए । उनीहरुमध्ये पुरुषतर्फ र महिलातर्फ उत्कृष्ट पहिरन लगाउनेहरुलाई पुरस्कृत पनि गरिएको थियो ।
युवापुस्तालाई मौलिक पहिरन लगाउन प्रेरित गर्न सो प्रतिस्पर्धा राखिएको आयोजकले बताए ।

प्रतिक्रिया

सम्बन्धित सामाग्री

फेसबुक