लन्डन । साउथइष्ट लन्डनको ऊलवीचमा अब हरेक शुक्रबार बारमान्डू क्लव सञ्चालन हुने भएको छ । हिजो ८ जनवरी शुक्रबार एक भव्य 
समारोहपछि बारमान्डू सञ्चालन भएको हो ।
उक्त क्लव शुक्रबार सांझ ६ देखि शनिबार बिहान २ बजेसम्म सञ्चालन हुने जनाइएको छ ।

विशेषगरि तन्नेरी युवा युवती लगायत पार्टीमा रमाउन चाहने नेपाली र अन्य विदेशीहरुलाई लक्षित गरि क्लव सञ्चालन गरिएको सञ्चालकले जनाएका छन् ।

बारमान्डू युवा व्यवसायी गणेशजंग थापा र बीरेन्द्र नेपालले सञ्चालन गरेका हुन् । बारमान्डूमा विवाह पार्टी, बर्थ डे पार्टी लगायत अन्य विभिन्न प्रकारका कार्यक्रमका लागि हल मात्र पनि बुक गर्न सकिने सञ्चालकले जनाए ।

क्लव साउथ इष्ट लन्डनको ऊलवीच ट्रेन स्टेशन अगाडि अवस्थित भवनमा 
रहेकाले पार्टी जानेहरुका लागि यातायात सुविधा छ ।