लन्डन । चर्चित लोकगायिका सुनिता दुलाल बेलायतमा शुरु भएको म्यूजिकल टुरका लागि लन्डन आइपुगेकी छिन् ।
ब्रिटिश गोर्खा नेपलिज काउन्सिलको आयोजनामा २ जनवरीदेखि शुरु भएको गोर्खा सांस्कृतिक सांझका लागि उनी बिहीबार लन्डन उत्रिएकी हुन् ।
दुलाललाई लिन काउन्सिल अध्यक्ष एकराज नेम्वाङ लगायत पदाधिकारी एयरपोर्ट पुगेका थिए ।
यसअघि कार्यक्रमकै लागि गायिका इन्दिरा जोशी र नृत्य निर्देशक गोविन्द राई यूके आइसकेका छन् । जोशी र राईले पहिलो शो २ जनवरीमा फार्नबोरोस्थित ओकफार्म कम्युनिटी स्कुल हलमा गरिसके । अब सुनिता ९ जनवरीमा रेडिङमा हुने शोबाट सामेल हुंदैछिन् ।
उक्त सांगीतिक कार्यक्रम १० मा ग्रेज, १६ मा योर्क, १७ मा कोलचेस्टर, २३ मा स्वीन्डन, २४ मा आसफोर्ड, ३० मा बेजिङस्टोक, ३१ मा वेल्स र ६ फेब्रुअरीमा ननिटनमा हुने तय भएको छ ।
