लन्डन । एनआरएनए आयरल्याण्डले लन्डन दूतावासमार्फत भूकम्प पीडितलाई थप आर्थिक सहयोग गरेको छ । एनआरएनए आयरल्याण्ड सल्लाहकारहरुले सोमबार दिउसो लन्डनस्थित नेपाली कार्यवहाक राजदूत तेजबहादुर क्षेत्रीलाई १५ सय युरो हस्तान्तरण गरेका हुन् । उक्त रकम दूतावासमार्फत प्रधानमन्त्री राहत कोषमा पठाइनेछ । आर्थिक सहयोग बुझेपछि कार्यवहाक राजदूत क्षेत्रीले एनआरएनए आयरल्याण्डप्रति आभार व्यक्त गरेका छन् ।
रकम हस्तान्तरणका लागि एनआरएनए आयरल्याण्डका तीन सल्लाहकार एवं पूर्व अध्यक्षहरु गणेश प्रसाईं, शुक्रराज न्यौपाने र नवराज कोइराला दूतावास पुगेका थिए । उनीहरुको साथमा एनआरएनए युरोप संयोजक कुल आचार्य, दूतावासका थर्ड सेक्रेटरी बाबुकाजी डंगोल पनि सहभागी थिए ।
यसअघि एनआरएनए आयरल्याण्डले भूकम्प लगत्तै एनआरएनए आइसीसी मार्फत करिब २९ लाख रुपैयां प्रदान गरेको थियो ।
