टोकियोमा महले हंसाए दर्शक

11138526_1588108711445480_6762099061520435055_n

टोकियो (जापान) ६ पुस । कल्याणकारी कोष बनाउने उद्देश्यले आइतबार टोकियोको नाकानोमा महजात्रा २०१५ सम्पन्न भएको छ ।

कार्यक्रममा भारतले लगाएको नाकाबन्दी र नेपालको राजनीति केन्द्रित मह (मदनकृष्ण श्रेष्ठ र हरिवंश आचार्य) जोडीको व्यङ्ग्यात्मक शैलीको प्रस्तुतिले दर्शकलाई मन्त्रमुग्ध बनाएको थियो ।

हांसो र व्यंग्य एकैपटक पस्कन सक्ने महको कलाको सहभागी धेरैले तारिफ गरेका थिए ।

त्यस्तै लोकगायक बमबहादुर कार्कीले पुराना लोकभाका ‘डाँडैको देवीदेउराली’, ‘खोला पारि निरमाया वारि म रुनी’, ‘पानको पात’लगायत गीत गाएका थिए ।

कार्यक्रममा गायिका आस्था राउत, कलाकारहरु नरेन्द्र कंसाकार, मोहित वंश आचार्य, माल्भिका सुब्बा लगायतको पनि प्रस्तुति रह्यो ।

गैर आवासीय नेपाली संघ, जापानले कार्यक्रम गरेको हो ।

प्रतिक्रिया

सम्बन्धित सामाग्री