बुधबार, असोज १४ २०७७ | Wed, September 30, 2020
नेपालको समय: १५:२४ | UK Time: 10:39

ग्वाटेमालामा फेरि १६ नेपाली पक्राउ

वीनेपाली
२०७२ पुष ७ गते ५:३७

guatemala

लण्डन । अवैध रुपमा सेन्ट्रल अमेरिकाको ग्वाटेमाला पुगेका १६ नेपाली पक्राउ परेका छन् ।
एएफपीका अनुसार ग्वाटेमालाका अधिकारीहरुले आइतबार उनीहरुलाई पक्राउ गरेका हुन् ।
ग्वाटेमालाको राजधानी ग्वाटेमाला सिटीबाहिर बसमा यात्रारत अवस्थामा उनीहरुलाई पक्राउ गरिएको हो । सम्भावित मानव ओसारपसारको आशंकामा प्रहरीले गरेको अपरेसनका क्रममा उनीहरु पक्राउ परेका हुन् ।
उनीहरुलाई अवैध रुपमा अमेरिका लगिँदै गरेको अधिकारीहरुले आशंका गरेका छन् ।
पक्राउ परेकाहरुको नाम खुलाइएको छैन । उनीहरु सबै पुरुष रहेको समाचारमा जनाइएको छ ।
नेपालीसँगै पक्राउ परेकामा १७ जना बंगलादेशी नागरिक पनि छन् ।
उनीहरुलाई सरकारी आप्रवासी सेवाले संचालन गरेको शिविरमा राखिएको छ ।
उनीहरु दक्षिण एशियाबाट सेन्ट्रल अमेरिका कसरी पुगे भन्ने खुलाइएको छैन ।
यसअघि जुन महिनामा पनि ११ नेपाली पक्राउ परेका थिए । उनीहरुको साथमा एशिया र अफ्रिकाबाट मानव ओसारपसार गराएको आरोपमा चारजना ग्वाटेमालाका नागरिकलाई पनि पक्राउ गरिएको थियो ।

प्रतिक्रिया

सम्बन्धित सामाग्री

फेसबुक