शनिबार, असोज १० २०७७ | Sat, September 26, 2020
नेपालको समय: ०९:२५ | UK Time: 04:40

जनसम्पर्क समिति बेलायतकाे वैधानिक अध्यक्ष भएकाे नेम्वाङकाे दाबी

वीनेपाली
२०७२ मंसिर १५ गते १९:४६

Ek Raj

लण्डन । नेपाली काँग्रेस समर्थित नेपाली जनसम्पर्क समिति बेलायतको कहिल्यै नटुङ्गिने अन्तरसंघर्षमा अब नयाँ समिति पनि थपिएको छ ।

कहिले लोक गुरूङको अध्यक्षतामा, कहिले चेतनाथ खनालको अध्यक्षतामा त कहिले विज्ञान प्रसाइँको संयोजकत्वमा गठन पुनर्गठन हुँदै अाएको जनसम्पर्क समितिमा अहिले मध्यमार्गी धारको दाबी गर्दै एकराज नेम्वाङले दाबी गरेका छन् ।

नोभेम्बर २९ मा अल्डरसटमा अायोजित भेलाले नेम्वाङको संयोजकत्वमा गठित समितिमा उपसभापति मनोज डंङ्गोल, महामंत्री सञ्जयभक्त कंडेल, सहमहामंत्री राजिब संग्रौला र सदस्यहरूमा सुवास राई, मनकुमार राई, ज्ञान गुरुङ, किशोर गुरुङ, बाबुराम प्रधान, कमलबहादुर पुर्जा, चिरण राई, कमल रोक्का, हर्कमाया लिम्बु, रामभक्त राई र सल्लाहकारहरूमा नरकुमारी लिम्बू र मोहन नेम्वाङ्ग रहेका छन् ।

जन सम्पर्क समिति प्रजातन्त्रमा विश्वास र आस्था राख्ने आप्रवासी नेपालीको आफ्नै संस्था भनिएता पनि ब्यबहारत बेलायतबासी नेपालीले त्यो अनुभूति गर्न नपाएको र संस्थागत भन्दा ब्यक्तिगत स्वार्थको हावीका कारण दुई खेमामा बिभाजन भएर दुईवटा समिति भएपनि संस्था नेतृत्व विहिन टुहुरो भएको नेम्वाङले अारोप लाए ।

नेपाली काँग्रेसमा आस्थावान र निष्ठावान करिब ६० प्रतिशतभन्दा बढी शुभचिन्तक, सक्रिय समर्थकको भावना र चाहानालाई अनुसार नयाँ समिति गठन गरेको उनले दाबी गरेका छन् । विभाजित समितिहरूलाई मिलाएर लैजान औपचारिक रूपमा वार्ता समितिको गठन गरी संवाद मार्फत समस्याको हल गर्न सक्दो प्रयास गरेपनि असफल भएपछि नयाँ समिति निर्माण गर्नुपरेको उनले बताए । उनले अब सबैलाई मिलाएर लैजाने र बहुमत कार्यकर्ताको समर्थन पाएकाले वैधानिक भएको दाबी पनि गरे ।

प्रतिक्रिया

सम्बन्धित सामाग्री

फेसबुक