शनिबार, असोज ३ २०७७ | Sat, September 19, 2020
नेपालको समय: २०:५९ | UK Time: 16:14

भारतीय नाकाबन्दीविरुद्ध इटहरीमा बृहत रयाली

वीनेपाली
२०७२ मंसिर ९ गते १०:३०

इटहरी, ९ मङ्सिर । इटहरी शैक्षिक समाजले भारतले सीमा क्षेत्रमा गरेको अघोषित नाकाबन्दीका कारण नेपालीको जनजीवन अस्तव्यस्त भएको भन्दै तत्काल नाकाबन्दी फिर्ता गर्न दबाब दिने उद्देश्यले आज इटहरीमा बृहत शैक्षिक रयाली निकालेको छ ।

इटहरी उपमहानगरपालिका क्षेत्रका ५२ भन्दा बढी निजी तथा सरकारी विद्यालय, उच्च मावि र कलेजले संयुक्त रुपमा निकालेको रयालीमा सहभागी विद्यार्थीले भारतले नेपालमा जारी संविधानलाई विषयवस्तु बनाएर गरेको अघोषित नाकाबन्दी असल छिमेकीको व्यवहार नभएको प्रष्ट पारे ।

उपमहानगरपालिका क्षेत्रका विभिन्न स्थानबाट निक्लिएको विरोध जुलुसले शहरको मुख्यमुख्य स्थानको परिक्रमा गरेको थियो । नाकाबन्दीले पारेको असर तथा नेपाली जनताले भोग्नुपरेका कष्टपूर्ण अवस्थालाई जुलुसका क्रममा चित्रण गरिएको थियो ।

नेपालीले भोग्नु परेका समस्याका विषयमा छिमेकी मुलुक भारतले टुलुटुलु हेरेर मजा लिइरहेको र अझै संविधान पुनर्लेखन पछिमात्र नाकामा भएको अवरोध खुल्ने भनी नेपालका लागि भारतीय राजदूतले दिएको अभिव्यक्तिको पनि विद्यार्थीले चर्को विरोध जनाएका छन् ।

इटहरी शहरको परिक्रमापछि चोकमा आयोजित विरोधसभामा जनता बहुमुखी क्याम्पस प्राध्यापक सङ्घका प्रतिनिधि केवल फुयाँल, सुनसरी हिसान अध्यक्ष मुकुन्द घिमिरे, सामुदायिक विद्यालय शैक्षिक केन्द्रका कमल तिम्सिना र प्राध्यापक टङ्क खुलाललगायतले बोल्नुभएको थियो ।

प्रतिक्रिया

सम्बन्धित सामाग्री

फेसबुक