लण्डन । किरात राई यायाेख्या लण्डन उपशाखाकाे अायाेजनामा मुन्धुम सम्बन्धमा छलफल अायाेजना गरिएकाे छ ।
आख्यानकार, मदन पुरस्कार विजेता राजन मुकारुङ्ग साे कार्यक्रमका विशेष वक्ता थिए ।कार्यक्रममा सबैभन्दा पाको ब्यक्ति डिल्लीप्रसाद राई र नाक्छोंग धमिनी गीता राईको विशेष उपस्थिति रहेको थियो ।
डिल्लीप्रसाद राईले किरात राई संस्कार अनुसार फेटा गुथी मुकारुङ र नाक्छोङ्लाई सम्मान गरेका थिए ।
नाक्छोङ गीता राईले आख्यानकार मुकारुङलाई रिशिया गाउँदै आबुक / चिण्डोले शिर उभाउनी गरेका थिए ।
मानव उत्पतिको कथाद्वारा मुकारुङ्ले मुन्धुमको सुरु गरेका थिए । तीन चुलाको कथा, तायामा र खियामा लगायतको कथा वैज्ञानिक अाधारमा प्रस्टाएका थिए ।
कार्यक्रममा हेल्पिङ्ग युकेका युवाहरु सन्तोष राई, साङ्ग्नुमा राई, योजन राई लगायतका युवाहरुको उपस्थिति रहेको थियो ।
बौद्धिक व्यक्तित्वहरू मकरध्वज राई, उदान बहादुर राई, मिलन राई, बम बहादुर राई लगायतको पनि कार्यक्रममा उपस्थिति थियो ।
