लन्डन । गैर आवासीय नेपाली संघ, बेलायत (एनआरएनए यूके) ले भारतीय नाकाबन्दीका कारण नेपालको चिकित्सा क्षेत्रमा गम्भीर असर परेको जनाउंदै सहयोगका लागि बेलायतवासी नेपालीमा अपिल गरेको छ । संघले एक विज्ञप्ति जारी गर्दै चिकित्सा क्षेत्रमा राहतका लागि आफ्नो आपतकालिन राहत कोषमा सहयोग गर्न अपिल गरेको हो । संघले आपतकालिन राहत कोष अभिवृद्धिलाई तीव्रता दिइएको पनि उल्लेख गरेको छ ।
गैर आवासीय नेपाली संघ, अन्तर्राष्ट्रिय समन्वय परिषदले विश्वभर आफ्ना मातहतमा रहेका सबै राष्ट्रिय परिषदहरुलाई निर्देशन दिंदै हप्ता दिनभित्र १० करोड रुपैयांको औषधि तथा चिकित्साजन्य सामाग्री प्रदान गर्ने अभियानमा सघाउन भनेपछि केन्द्रकै निर्देशन बमोजिम गत आइतबार सम्पन्न एनआरएनए यूकेको बैठकले कम्तीमा २० लाख रुपैयां नेपाल पठाउने निर्णय गरेको थियो ।
नाकाबन्दी समस्याको दीर्घकालिन समाधान आर्थिक सहयोगको अपिल भन्दा पनि राजनीतिक र कुटनीतिक पहलबाट सान्दर्भिक हुने ठहर गर्दै संघले हाल आइपरेको संकट निवारणका लागि मानवीय कार्यमा मद्दत गर्न अनुरोध गरेको छ ।
आर्थिक सहयोगका निम्ति एनआरएन यूकेको बैंक खाताको विवरण यस प्रकार छ :
Barclays
NRN UK
Sort Code: 20-42-73
A/C: 43997871
Ref: Sponsor’s Name
गैर आवासीय नेपाली संघ (एनआरएनए) यूकेले रकम ट्रास्फर गरिसकेपछि कोषाध्यक्ष दीपक श्रेष्ठलाई (07943866690) वा सहकोषाध्यक्ष ललित न्यौपानेलाई (07957915059) जानकारी गराउन पनि भनेको छ ।
