शुक्रबार, असोज २ २०७७ | Fri, September 18, 2020
नेपालको समय: १२:५७ | UK Time: 08:12

सीमाङ्कन हेरफेर हुंदैन ः नेता नेपाल

वीनेपाली
२०७२ मंसिर १ गते २२:३४

madhav-kumar-nepal_4

दैलेख, १ मङ्सिर । पूर्वप्रधानमन्त्री एवम् नेकपा (एमाले) नेता माधवकुमार नेपालले सीमाङ्कन हेरफेर नहुने बताएका छन् ।

पे्रस चौतारी दैलेखले आज यहाँ आयोजना गरेको पत्रकार भेटघाटमा उनले सिङ्गो तराई एक प्रदेश हुनै नसक्ने भन्दै आन्दोलनरत मधेशवादी दललाई लचिलो भएर राजनीतिक सहमति र संवैधानिक प्रक्रियामा आएर समाधान खोज्न आग्रह गरे ।

वर्तमान सरकार मधेस आन्दोलनलाई सम्बोधन गर्न अझ गम्भीर हुनुपर्ने बताउँदै नेता नेपालले मधेसमा संविधानबारे अफवाह फैलाइएकाले विभिन्न भाषाभाषीमा संविधान छापेर मधेसी जनतालाई अध्ययन गर्न दिनुपर्ने सुझाव दिए ।

उनले नेपाली जनताले आफ्नो संविधान आफैँ बनाएकोमा भारतले अघोषित नाकाबन्दी गरेर दण्ड दिएको बताउँदै सरकारले नाकाबन्दीको वैकल्पिक व्यवस्था गरेकाले धैर्य हुन जनतालाई आग्रह समेत गरेका छन् ।

प्रतिक्रिया

सम्बन्धित सामाग्री

फेसबुक