सोमबार, असोज १२ २०७७ | Mon, September 28, 2020
नेपालको समय: ११:१० | UK Time: 06:25

भारतको नाकाबन्दी गलत छः सिटौला

वीनेपाली
२०७२ मंसिर १ गते ९:४४

20092015095910Krishna_Prasad_Sitaula_17-c-600x0

ललितपुर, १ मङ्सिर । नेपाली काँग्रेसका महामन्त्री कृष्णप्रसाद सिटौलाले अन्तर्राष्ट्रिय मूल्य र मान्यताअनुरुप नेपालले पारबहन सुविधा पाउनुपर्ने बताउनुभएको छ ।

काँग्रेस वज्रबाराही नगर समन्वय समितिद्वारा आज छठ पर्वका अवसरमा गरिएको शुभकामना एवम् चियापान कार्यक्रमलाई सम्बोधन गर्दै उहाँले भारतले नेपालमा गरेको नाकाबन्दी गलत छ भन्नुभयो । उहाँले भूपरिवेष्टित मुलुकले पाउनुपर्ने पारवहन सुविधालाई कहीँकतैबाट रोक्न नमिल्ने बताउँदै भारतले नेपालमाथि लगाएको अघोषित नाकाबन्दी छिट्टै खुल्ने विश्वास व्यक्त गर्नुभयो ।

उहाँले मधेसकेन्द्रित राजनीतिक दलले आफ्नो माग संसद्बाटै लिनुपर्नेमा संविधानसभा छाडेर सडक आन्दोलनमा जानु गल्ती भएको बताउनुभयो ।

काँग्रेस आमन्त्रित केन्द्रीय सदस्य कवेलबहादुर लामाले इन्धन अभावका कारण जनताले सास्ती व्यहोर्नु परेकाले समाधानका लागि सबै राजनीतिक दल एक भएर अघि बढ्नुपर्ने बताउनुभयो । सांसद एवम् काँग्रेस जिल्ला सभापति मदनबहादुर अमात्यले पार्टीका कार्यकर्ता संवेदनशील भएर समाजको सेवा गर्नुपर्नेमा जोड दिनुभयो ।

प्रतिक्रिया

सम्बन्धित सामाग्री

फेसबुक