मंगलबार, असोज १३ २०७७ | Tue, September 29, 2020
नेपालको समय: २३:४९ | UK Time: 19:04

इन्धन अभावले अस्पतालमा संकट

वीनेपाली
२०७२ कार्तिक २१ गते २१:५९

काठमाडौँ, २१ कात्तिक । नेपाल चिकित्सक सङ्घले तराईका विभिन्न भागमा भइरहेको आन्दोलन एवम् भारतको अघोषित नाकाबन्दीबाट उत्पन्न पेट्रोलियम अभावले अस्पताल जस्तो अत्यन्त सम्बेदनशील क्षेत्रमा समेत कठिनाइ उत्पन्न भएकामा चिन्ता व्यक्त गरेको छ ।

“देशभरका स्वास्थ्य संस्थामा अत्यावश्यक औषधिको अभाव हुनुले सर्वसाधारण नेपालीको सहज उपचारका लागि असहज परिस्थिति सिर्जना हुँदै गएको छ”–सङ्घका महासचिव मुक्तिराम श्रेष्ठद्वारा आज जारी विज्ञप्तिमा भनिएको छ, “स्वास्थ्य संस्थामा रहेको सीमित औषधिका कारण विरामीलाई आवश्यक मात्रामा औषधि उपलब्ध गराउन नसकिने अवस्था सिर्जना हुँदै गएकोप्रति नेपाल चिकित्सक सङ्घ गहिरो दुःख व्यक्त गर्दछ ।”

स्वास्थ्य सेवा जस्तो सम्बेदनशील क्षेत्र पूर्णरूपमा प्रभावित हुन पुगेको र त्यसको समाधानका लागि यथाशीघ्र सार्थक र परिणाममुखी वार्तामार्फत उत्पन्न परिस्थितिलाई आपसी सहमतिमा सुल्झाउनसमेत सङ्घले सरकार तथा आन्दोलनरत पक्षलाई अपिल गरेको छ ।

प्रतिक्रिया

सम्बन्धित सामाग्री

फेसबुक