शनिबार, असोज १० २०७७ | Sat, September 26, 2020
नेपालको समय: ०३:३५ | UK Time: 22:50

नेपाल–भारत सीमा नाका बन्द

वीनेपाली
२०७२ कार्तिक १८ गते १०:५९

जनकपुरधाम, १८ कात्तिक । भारत बिहार राज्यमा भोलि बिहीबार हुने पाँचौँ चरणको विधानसभाको निर्वाचनलाई दृष्टिगत गरी धनुषा जिल्लाअन्तर्गत रहेको सिमानाका आज बुधबार बिहानैबाट नाका बन्द गरिएको छ ।

सुरक्षालाई दृष्टिगत गरी भोलि साँझसम्मको लागि सो नाका भारतीय पक्षबाट ‘सिल’ गरिएको सशस्त्र प्रहरी बल विओपी महिनाथपुरले जनाएको छ । जसअन्तर्गत नेपाल–भारतबीच रहेको इनर्वा, दुहबी, खजुरी, महिनाथपुर, भररिया, जटहीलगायतका नाका सिल गरिएको समाचारमा जनाएको छ ।

शान्ति सुरक्षा आपराधिक क्रियाकलाप हुन नदिन चुनावलाई दृष्टिगत गरी भारतीय पक्षले आफ्ना नाका बन्द गरेको धनुषाका प्रमुख जिल्ला अधिकार कालीप्रसाद पराजुलीले बताए ।

सो नाकामा पैदल यात्रुलाई समेत जानबाट रोक लगाइएको भारती सीमा सुरक्षा बल एसएसबी पिपरौनले जनाएको छ ।

प्रतिक्रिया

सम्बन्धित सामाग्री

फेसबुक