रसुवा दुर्घटनामा प्रधानमन्त्री स्तव्ध

1446561297191_GN-Rasuwa-Bus Accdent-4

काठमाडौँ, १७ कात्तिक । प्रधानमन्त्री केपी शर्मा ओलीले मंगलबार रसुवामा भएको यात्रुवाहक बस दुर्घटनामा परी ज्यान गुमाएका यात्रुप्रति श्रद्धाञ्जलि व्यक्त गरेका छन् ।

उनले आज दिएको समवेदना सन्देशमा भनिएकोे छ, ‘काठमाडौँबाट रसुवाको स्याफ्रुबेसी जाँदै गरेको एक यात्रुवाहक बस रसुवाको राम्चेमा दुर्घटना भई ३४ जना यात्रुको ज्यान गएको थाहा पाउँदा म अत्यन्तै मर्माहत र स्तब्ध भएको छु ।’

प्रधानमन्त्री ओलीले यस दुःखद घडीमा मृतकप्रति भावपूर्ण श्रद्धाञ्जलि अर्पण गर्दैै मृतकका परिवार र आफन्तप्रति गहिरो समवेदना प्रकट गरेका छन् । दुर्घटनामा परी घाइते भएकाको शीघ्र उपचारको व्यवस्था मिलाउन स्थानीय प्रशासनलाई निर्देशन दिँदै घाइते सबैको शीघ्र स्वास्थ्यलाभको कामना पनि उनले गरेका छन् ।

प्रतिक्रिया

सम्बन्धित सामाग्री