शुक्रबार, असोज १६ २०७७ | Fri, October 02, 2020
नेपालको समय: ०१:३६ | UK Time: 20:51

चिनियाँ अनुदानको पेट्रोल काठमाडौँमा

वीनेपाली
२०७२ कार्तिक १६ गते २३:५५
चीनले दिएको अनुदानको पेट्रोल लिएर सोमबार विदुर हँुदै राजधानी काठमाडौं जादै गरेको ट्याङ्करहरु । आइतबार र सोमबार गरि १५ ट्याङ्कर तेल नेपाल भित्रिएको छ । तस्बिरः नवदीप श्रेष्ठ÷रासस

चीनले दिएको अनुदानको पेट्रोल लिएर सोमबार विदुर हँुदै राजधानी काठमाडौं जादै गरेको ट्याङ्करहरु । आइतबार र सोमबार गरि १५ ट्याङ्कर तेल नेपाल भित्रिएको छ । तस्बिरः नवदीप श्रेष्ठ रासस

काठमाडौँ, १६ कात्तिक । चीनले अनुदानस्वरुप उपलब्ध गराएको पेट्रोल सोमबार साँझ काठमाडौँमा आइपुगेको छ ।

आइतबार नेपाल–चीनको केरुङ नाकामा नेपाललाई अनुदानमा उपलब्ध गराएको पहिलो ‘लट’ को पेट्रोल काठमाडौँ आइपुगेको नेपाल आयल निगमका थानकोट डिपो प्रमुख रविन शर्माले जानकारी दिए ।

चीनले नेपाललाई एक हजार टन (१३ लाख लिटर) पेट्रोल अनुदानमा दिने सहमति गरेको थियो ।

भारतको अघोषित नाकाबन्दीका कारण चर्को इन्धन सङ्कट भएपछि विकल्पका रुपमा सरकारले चीनबाट आयात गरिएको हो ।

नेपाल आयल निगम र पेट्रो चाइनबीच चीनबाट इन्धन आयात गर्ने औपचारिक सहमति भएपछि इन्डियन आयल कर्पोरेसन(आइओसी)सँगको एकलौटी व्यापारको विकल्प पाएको हो ।

पहिलो लटमा उपलब्ध गराउने पेट्रोल लिन एक हजार २०० लिटर बोक्ने १२ वटा ट्याङ्कर गत शुक्रबार केरुङतर्फ गएको थियो ।

नेपाल पेट्रोलियम ढुवानी व्यवसायी महासङ्घका महासचिव विश्वप्रसाद अर्यालका अनुसार १२ वटा ट्याङ्करले पहिलो लटमा एक लाख दुई हजार लिटर तेल आइपुगेको छ ।

यसैबीच, सरकारले पेट्रोलियम पदार्थको वितरणलाई सुलभ र प्रभावकारी बनाउन एक संयन्त्र बनाएको छ । वाणिज्य तथा आपूर्तिमन्त्री गणेशमान पुनको अध्यक्षतामा आज बसेको बैठकले पेट्रोलियम पदार्थ वितरणसम्बन्धी संयन्त्र बनाएको हो । उक्त संयन्त्रमा मन्त्रालय, वाणिज्य विभाग, नेपाल आयल निगम र नेपाल प्रहरीका प्रतिनिधि तथा ग्यास उद्योगीका तर्फबाट एकजना प्रतिनिधि रहेका छन् । संयन्त्रको संयोजन वाणिज्य विभागका निर्देशकले गर्नेछन् ।संयन्त्रले ग्यास तथा पेट्रोलियम पदार्थ, हवाई इन्धन कति आयात र वितरण भयो, कहाँबाट कति परिणाममा वितरण भयो कति अपुग छ भनी जानकारी राख्ने वाणिज्य तथा आपूर्ति मन्त्रालयका उपसचिव शिवप्रसाद त्रिपाठीले बताए ।

प्रतिक्रिया

सम्बन्धित सामाग्री

फेसबुक