राष्ट्रपति भण्डारी शीतल निवास सरिन्

काठमाडौँ, १२ कात्तिक । नवनिर्वाचित राष्ट्रपति विद्यादेवी भण्डारी बिहीबार राष्ट्रपति भवन, शीतलनिवासस्थित राष्ट्रपति आवासमा सरेकी छन् ।

आज पद तथा गोपनीयताको शपथ लिएपछि निवर्तमान निवर्तमान राष्ट्रपति डा रामवरण यादवको बिदाइ समारोहमा सरिक भइसकेपछि राष्ट्रपति भण्डारी शीतल निवास प्रवेश गरेकी हुन् । राष्ट्रपति भण्डारी ७५ वर्षीया आमा मिथिला पाण्डेसहित निवास प्रवेश गरेकी छ्न् ।

उनी यसअघि काठमाडौँ महानगरपालिका–१०, नयाँबानेश्वरस्थित आफ्नो निवास बस्दै आएकी थिइन् । पत्रकारसँग कुरा गर्दै राष्ट्रपतिकी आमा पाण्डेले छोरी मुलुकको सर्वोच्च पदमा पुगेकामा खुसी लागेको बताइन् ।