सर्वदलीय बैठक बिनानिष्कर्ष, राष्ट्रपतिमा एमाले र काँग्रेसबाट दाबी

नयाँ बानेश्वरस्थित संसद भवनमा नेकपा (एमाले) संसदीय दलका नेता तथा प्रधानमन्त्री केपी शर्मा ओलीद्वारा आयोजित सर्वदलीय बैठकका सहभागीहरु । तस्बिर ः रोशन सापकोटा, रासस

नयाँ बानेश्वरस्थित संसद भवनमा नेकपा (एमाले) संसदीय दलका नेता तथा प्रधानमन्त्री केपी शर्मा ओलीद्वारा आयोजित सर्वदलीय बैठकका सहभागीहरु । तस्बिर ः रोशन सापकोटा, रासस

काठमाडाँै, ८ कात्तिक  । राष्ट्रपति चयनका लागि सहमति जुटाउन आज भएको सर्वदलीय बैठक बिनानिष्कर्ष टुङ्गिएको छ ।
प्रधानमन्त्री केपी शर्मा ओलीले आह्वान गरेको सो बैठकमा नेकपा (एमाले) र नेपाली काँग्रेसका तर्फबाट आआफ्ना उम्मेदवारी दिने धारणा प्रस्तुत भएपछि सहमति जुट्न नसकेको हो ।

व्यवस्थापिका–संसद् भवन नयाँ बानेश्वरमा भएको बैठकमा सहमतिका आधारमा राष्ट्रपतिको चयन हुन थप समय दिने वा प्रक्रियामा अघि बढ्ने भन्नेमा नेताहरुबीच मत्यैक्य भएन ।

संसद् सचिवालयले सहमतिका आधारमा राष्ट्रपति चयनका लागि आजसम्मको समय निर्धारण गरेको छ भने सहमति नभएमा यही कात्तिक ११ गते निर्वाचन हुने कार्यक्रम छ । यसैबीच, अपराह्न ४ः३० बजेका लागि निर्धारण गरिएको व्यवस्थापिका – संसद्को बैठक सूचना टाँस गरी स्थगन गरिएको छ । ाष्ट्रपति र उपराष्ट्रपतिको सहमतिकै आधारमा चयन गर्न आजसम्मका लागि समय दिइएकामा दलबीच सहमति नभएकाले बैठक स्थगन भएको संसद् सचिवालयले जनाएको छ ।

संसद्को अर्को बैठक यही कात्तिक ११ गते बस्ने यसअघि नै तय भएको छ ।

प्रतिक्रिया

सम्बन्धित सामाग्री