केन्याली समकक्षीसंग हात मिलाउंदै ओबामा । तस्विरः एपी
नैरोवी (केन्या ), ९ साउन । अमेरिकी राष्ट्रपति बाराक ओबामाले अफ्रिकी महिला तथा युवा उनीहररूको उद्योग व्यवसाय चलाउदा आउने कठिनाईमाथि अमेरीकी सरकारले सहयोग गर्ने प्रतिबद्धता जारी गरेका छन् ।
नैरोबीमा शनिबार सुरु भएको उद्यमीहरुको सम्मेलन ‘ग्लोबल इन्टप्रेनुअर समिट’ (जीइएस) लाई सम्बोधन गर्दै अमेरिकी राष्टपतिले अमेरिकी सरकार र प्रमुख अमेरिकी संस्थाहरुले व्यवसाय गर्न चाहने महिला तथा युवा जगतलाई तालिम तथा परामर्श केन्द्र स्थापना गर्ने जहाँ अफ्रिकी महिलालाई व्यवसायिक ज्ञान सिकाउने पनि बताए ।
उनले अफ्रिकामा जम्मा १,६०० महिला उद्यमी रहेको जनाउँदै यो संख्यामा वृद्धि गराउन अमेरिका इच्छुक रहेको समेत जनाए ।
उक्त अवसरमा राष्ट्रपति ओबामाले कैन्या र जाम्विायामा दुई उद्यमशील तालिम केन्द्र स्थापना गसिकेको भन्दै छिट्टै अर्को एक केन्द्र मालिमा स्थापना गर्ने जनाए ।
राष्ट्रपति ओवामाले एक विलियन अमेरिकी डलर उद्यमी निकास कार्यक्रमका लागि खर्चिन लागेको सुनाउंदै उक्त कार्यक्रमले महिला तथा युवा उद्यमीहरुलाई प्रोत्साहन गर्ने योजना रहेको समेत बताए ।
त्यसैगरी सम्बन्धित राष्ट्रका सरकारले पनि आआफ्नो राज्यमा उद्योगलाई प्रोत्साहन गर्न प्रचलित कानुन तथा नीति नियममा परिवर्तन गर्न सल्लाह दिए ।
करिब १२० राष्ट्रका प्रतिनिधि सहभागी रहेको उक्त सम्मेलनको आयोजना गर्ने केन्या पहिलो अफ्रिकी राष्ट्र हो ।
यसैबीच, नैरोवीका कुटनैतिक विज्ञ यादीक मालुकीले अमेरिकी राष्ट्रपतिको केन्याको भ्रमणसांकेतिक रुपमा उच्च महत्वको भएपनि केन्याजस्तो सामान्य राष्ट्रमा तत्कालका लागि यो भ्रमणबाट अपेक्षा गरिए बमोजिम केही फाइदा भने भइनहाल्ने जनाए ।
