बुधबार, कार्तिक ५ २०७७ | Wed, October 21, 2020
नेपालको समय: ०१:३३ | UK Time: 20:48

सिंगापुरबाट गोर्खाहरु उद्दारका लागि नेपाल जाने

वीनेपाली
२०७२ वैशाख १३ गते ११:४८

Singapore_Gurkha_01
लन्डन । सिंगापुरका उपप्रधानमन्त्री टियो चि हियनले आइतबार गोर्खाहरुसंग भेट गरेर नेपालको पछिल्लो विपत्तिबारे जानकारी लिएका छन् ।

आइतबार भेटघाटका क्रममा उनले ७ दशमलव ९ रेक्टर स्केलको शक्तिशाली भूकम्पपछि तहसनहस नेपालबारे जानकारी लिएको एसिया वान डटकमले जनाएको छ । उपप्रधानमन्त्री हियनले फेसबुक पोष्टमा आफ्नो भेटबारे उल्लेख गरेका थिए । उनले सिंगापुरका लागि गोर्खाहरुको कयौं पुस्ताले गरेको सेवाप्रति आभार समेत व्यक्त गरेका छन् । उनले सिंगापुर सिभिल डिफेन्स् फोर्स, सिंगापुर पुलिस फोर्स, सिंगापुर आर्मर्ड फोर्सेस् र केही गोर्खाहरु समेत नेपालमा उद्दारका लागि जाने तयारी गरेको अवगत गराएका छन् । उद्दार टोलीले मृतकहरुको खोजी, पीडितहरुको औषधोपचार लगायत मानवीय सहायतामा काम गर्ने जनाइएको छ ।

सिंगापुरको विदेश मन्त्रालयले शनिवार जारी गरेको विज्ञप्तिमा उपप्रधानमन्त्री हियनले सिंगापुर पुलिस फोर्समा उल्लेख्य गोर्खा अफिसरहरु रहेको र ति मध्ये कतिपय भूकम्प प्रभावित क्षेत्रका भएको पनि उल्लेख गरेका थिए । ‘हामी नेपालले सामना गरिरहेको यो विपत्तिमा सक्दो सहयोग गर्नेछौं’, उनले भनेका छन् । यसअघि सिंगापुरका प्रधानमन्त्री लि लुंगले पनि फेसबुकमा नेपालको विपत्तिप्रति दुःख व्यक्त गर्दै समवेदना प्रकट गरेका थिए । प्रधानमन्त्रीले विशेषगरि गोर्खा पल्टनमा रहेका गोर्खाहरु स्वदेशको दयनीय स्थिति र परिवारजनको अवस्थाबारे चिन्तित भएको हुनुपर्ने उल्लेख 
गर्दै सहानुभूति जनाएका थिए ।

प्रतिक्रिया

सम्बन्धित सामाग्री

फेसबुक