शुक्रबार, मंसिर १२ २०७७ | Fri, November 27, 2020
नेपालको समय: ११:३६ | UK Time: 05:51

रिट्रिटमा सहभागी हुन सार्कका नेताहरु धुलिखेलमा

वीनेपाली
२०७१ मंसिर ११ गते ६:००

काठमाडौं। बंगलादेशकी प्रधानमन्त्री शेख हसिना बिनै सार्क शिखर सम्मेलनका सहभागी नेताहरुको रिट्रिट धुलिखेलमा शुरु भएको छ। स्वास्थ्यमा समस्या देखिएपछि बंगलादेशकी प्रधानमन्त्री शेख हसिना होटलमै आराम गरेको सञ्चार माध्यमहरुले बताएका छन्।SAARC-LEADERS

राजधानी काठमाडौंबाट ३० किलोमिटर पूर्वमा पर्ने धुलिखेल नगरपालिका वडा-१ भट्टेडाँडास्थित द्वारिकाज रिसोर्टमा व्यवस्था मिलाइएको छ। रिट्रिटमा सार्क राष्ट्रका राष्टाध्यक्ष र सरकार प्रमुख बाहेक विदेश मन्त्री र विदेश सचिवको समेत सहभागिता छ । दिउँसो २ बजेसम्म चल्ने रिट्रिटपछि नेताहरु समापन समारोहमा सहभागी हुन काठमाडौं फर्किने छन्।

सार्क बडापत्रमा औपचारिक मञ्चमा द्वीपक्षीय विषय उठाउन नपाउने भएकाले रिट्रिटमा अनौपचारिक छलफलको अवसर हुनेछ ।

यसपटक प्रतिद्वन्द्वी देशका रुपमा रहेका भारतीय प्रधानमन्त्री नरेन्द्र मोदी र पाकिस्तानी प्रधानमन्त्री नवाज सरिफबीच भेट वार्ता हुन्छ की हुँदैन भनेर आम चासो रहेको छ। उद्घाटन समारोहमा सहभागी भएर पनि दुवै देशका नेताहरुले हात समेत मिलाएका छैनन्।

धुलिखेल क्षेत्रको सुरक्षा व्यवस्था नेपाली सेनाले लिएको छ भने अरनिको राजमार्गमा यातायात सञ्चालनमा प्रतिबन्ध लगाइएको छ। काठमाडौ, भक्तपुर र काभ्रेको सुरक्षा व्यवस्था निकै कडा बनाएको सेनाले त्यस क्षेत्रमा हवाइ गस्ती पनि गरेको छ।dhulikhel

प्रतिक्रिया

सम्बन्धित सामाग्री

फेसबुक