दूताबास खुल्ने समय थपियो

लण्डन । नेपाली दूताबास लण्डनले कार्यालय खुल्ने समय थप गरेको छ ।

दुताबासले आज एक सूचना जारी गरी दूताबासबाट सेवाग्राहीलाई प्रदान गरिने सेवाहरु प्रभावकारी र सरल बनाउन सेवाग्राहीको सल्लाह र सुझावलाई मध्यनजर गर्दै कार्यालय खुल्ने अवधि लम्ब्याएको बताएको छ ।

नोभेम्बर १७ देखि लागू हुने नयाँ व्यवस्था अनुसार बिहान १० देखि १ बजे र दिउँसो २ बजेदेखि ३ बजेसम्म एमआरपी पासपोर्ट, ट्राभल डकुमेन्ट, अस्थायी पासपोर्ट, एनआरएन कार्ड र काजगातहरु प्रमाणीकरणका लागि आवेदन बुझाउने समय तोकिएको छ ।
स्मरण रहोस् दिउँसो १ बजेदेखि २ बजेसम्म लञ्चका लागि दूताबास बन्द हुन्छ ।

त्यसैगरी दिउँसो ३ बजेदेखि ५ बजेसम्म एमआरपी पासपोर्ट, अस्थायी पासपोर्ट, एनआरएन कार्डलगायत संकलनका लागि समय तोकिएको छ ।
यसअघि बिहान १० देखि १ बजेसम्म आवेदनहरु बुझाउने र दिउँसाे २ देखि ३ बजेसम्म कागजात संकलन गर्ने समय तोकिएको थियो ।
नयाा व्यवस्थाबाट सेवाग्राहीलाई फाइदा पुग्ने विश्वास दूताबासले लिएको छ ।
Embassy notice

प्रतिक्रिया

सम्बन्धित सामाग्री