
बलर हावी खेलमा नेपाल ५३ रनले विजयी
काठमाडौं। नेपालले बलर हावी रहेको आइसिसी यु १९ प्रिमियर ट्रफीमा तेस्रो खेलमा मलेसियालाई ५३ रनले पराजित गरेको छ ।
नेपालले प्रस्तुत गरेको १ सय १६ रनको लक्ष्य पछ्याएको मलेसिया ६१ रन अल आउट भयो। १९ ओभरबाट ५ विकेट गुमाएर ५७ रन बनाएको मलेसिया ६२ रनमा अल आउट भएको थियो। मलेसियाका लागि सबैभन्दा बढी अनवर रहमानले ३३ रन बनाए ।
नेपालका लागि अर्जुन चापागाईले पहिलो ओभरमा २ विकेटसहित तीन विकेट लिए। सुशील कँडेल र सौरव खनालले २-२ दुई विकेट लिए । त्यसैगरी दीपेन्द्रसिंह ऐरी, सुनिल धमला, प्रेम तामाङले एक एक विकेट लिए ।
यसअघि टस जितेर ब्याटिङ गरेको नेपालका लागि कप्तान राजु रिजालले ३९ रन बनाए भने ओपनिङ ब्याट्सम्यान सुनिल धमलाले १९, प्रेम तामाङले १६, योगेन्द्र कार्कीले ११ र दीपेन्द्र सिंह ऐरीले नट आउट १२ रन बनाए । नेपालका तीन खेलाडी शुन्यमा आउट भए ।
मलेसियाका लागि वीरनदीप सिंहले १६ रन खर्चेर ३ विकेट लिए भने मुहमद हफिज, पभनदीप सिंह र अनवर रहमानले २-२ विकेट लिए।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायतमा काम गर्न चाहने विदेशी नागरिकका लागि मङ्गलबारदेखि भिसा आवेदन खुला
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई