यस वर्ष आर्थिक वृद्धिदर ५ प्रतिशत मात्र: कोष

काठमाडौं। अन्तर्राष्ट्रिय मुद्रो कोष (आइएमएफ) ले नेपालको यो वर्षको आर्थिक वृद्धिदर ५ प्रतिशत हुने प्रक्षेपण गरेको छ । तर, नेपालमा सरकारको भने वृद्धिदर साढे ५ प्रतिशत अनुमान छ।
यो अन्तर्राष्ट्रिय संस्थाले रेमिट्यान्सले बढाउने उपभोगका कारण सेवा क्षेत्र वृद्धि हुने जनाएको छ । कोषले मनसुन राम्रो भएका कारण गत आर्थिक वर्षमा वृद्धि दर साढे ५ प्रतिशत पुगेको जनाएको छ।
कोषले दक्षिण एशियाली क्षेत्रको प्रकाशित आर्थिक रिपोर्टमा नेपालको आर्थिक वृद्धि दर अफगानिस्तान, पाकिस्तान र मल्दिभ्सभन्दा उच्च रहने जनाएको छ।
दक्षिण एशियाली देशको औसत आर्थिक वृद्धिदर ६.१ प्रतिशत रहेको प्रतिवेदनमा जनाइएको छ । सबैभन्दा उच्च वृद्धिदर भुटानमा ७.६ प्रतिशत रहने कोषले जनाएको छ । भुटान पछि बंगलादेश, श्रीलंका र भारत रहनेछ ।
प्रतिवेदनअनुसार, नेपालको मुद्रास्फिती दर ७.८ प्रतिशत रहेन अपेक्षा गरिएको छ। भारतमा समेत मुद्रास्फिती कम हुने अनुमान गरिएको छ। दुई तिहाइभन्दा बढी व्यापार रहेको भारतमा मुद्रास्फिती घट्ने हुँदा त्यसको प्रत्यक्ष पाइदा पाउनेछ।