काठमाडौं। चलचित्र निर्देशक आलोक नेम्वाङ मृत अवस्थामा भेटिएका छन्। 
नेम्वाङको शव काठमाडौंको धापासीस्थित ग्रान्डी भिल्लास्थित आफ्नै अपार्टमेन्टमा बिहीबार साँझ झुण्डिएको अवस्थामा फेला परेको प्रहरीले जनाएको छ। प्रहरीले नेम्वाङलाई भर्याङको रेलिङमा झुण्डिएको अवस्था भेटिएको बताएको छ । थप विवरण आउन बाँकी छ। अमेरिकाबाट सिनेमा र थियटर विषयमा अध्ययन गरेर फर्केका नेम्वाङले एक सयभन्दा बढी म्युजिक भिडियो र तीन वटा फिल्म निर्देशन गरेका छन्। उनले ‘सानो संसार’ र ‘केही मेरो’ फिल्म निर्देशन गरेका छन्। उनको निर्देशनको फिल्म ‘अझै पनि’ पोस्ट प्रोडक्सनको चरणमा छ । उनले लिम्वु भाषाको चलचित्र ‘नुमा फुङ’ मा अभिनय समेत गरेका थिए ।
